ప్రస్తుతం టాలీవుడ్ లో చర్చ జరుగుతున్న అంశాల్లో తారాస్థాయికి చేరుకున్న విషయం ఇది. త్రివిక్రమ్ తెరకెక్కించిన ‘అఆ’ సినిమాతో సూపర్ సక్సెస్ అందుకున్న నితిన్ “ఎక్సయిటింగ్ న్యూస్ కమింగ్ సూన్” అంటూ ఓ ట్వీట్ వేశాడు. ఇది పెళ్లి కోసం కాదని వివరణ కూడా ఇచ్చాడు. అయితే సినిమానే అయుంటుందని ఫిక్సయిపోయిన కొందరు విషయం ఏంటని ఆరా తీయగా మేటర్ బయటికొచ్చింది.
నితిన్ హీరోగా కృష్ణ చైతన్య దర్శకత్వం వహించే ఓ సినిమా కొన్నాళ్లుగా చర్చల వద్దనే ఆగిపోయింది. ఇన్నాళ్లకు ఆ సినిమా పట్టాలెక్కింది. ఈ సినిమాని పవన్ కళ్యాణ్ క్రియేటివ్ వర్క్స్ పతాకంపై పవన్ కళ్యాణ్, త్రివిక్రమ్ నిర్మించనుండటం విశేషం. నితిన్ తండ్రి సుధాకర్ కూడా సహ నిర్మతగా వ్యవహరించనున్నారు. కొద్దిసేపటి క్రితం పూజా కార్యక్రమాలతో ఈ చిత్రం మొదలైంది. ‘రౌడీఫెలో’తో దర్శకుడిగా మారిన గేయ రచయిత కృష్ణ చైతన్య రెండో సినిమాగా రూపొందిస్తున్న ఈ సినిమాకి ‘అఆ’ సినిమాకి సినిమాటోగ్రాఫర్ గా పనిచేసిన నట్టి (నటరాజ సుబ్రమణ్యం) ఛాయాగ్రహణం అందించనున్నారు. మరిన్ని వివరాలు త్వరలో తెలియనున్నాయి.
Also, do SUBSCRIBE to our YouTube channel to get latest Tollywood updates.
