మాటల మాంత్రికుడు త్రివిక్రమ్ శ్రీనివాస్ ఎంతో ఇష్టంతో నిర్మించుకున్న ఇంటిలోకి ఈరోజు అడుగుపెట్టారు. సతీసమేతంగా గృహప్రవేశం చేశారు. సింపుల్ గా జరిగిన ఈ వేడుకలో త్రివిక్రమ్ కుటుంబ సభ్యులతో పాటు సిరివెన్నెల సీతారామ శాస్త్రి దంపతులు పాల్గొన్నారు. పవర్ స్టార్ పవన్ కళ్యాణ్ ముఖ్య అతిధిగా హాజరయ్యారు. ప్రస్తుతం గృహ ప్రవేశానికి సంబంధించిన ఫోటోలు సోషల్ మీడియాలో షేర్లు అందుకుంటున్నాయి.
మాటల రచయితగా చిత్ర సీమలోకి అడుగు పెట్టిన త్రివిక్రమ్ దర్శకుడిగా మారి వరుస విజయాలను సొంతం చేసుకున్నారు. ఇప్పటి వరకు అద్దె ఇంట్లో ఉంటున్న ఈయన 23 కోట్లు ఖర్చు పెట్టి జూబిలీ హిల్స్ లో డ్యూప్లెక్స్ ఇల్లు కట్టుకున్నారు. ప్రస్తుతం త్రివిక్రమ్ శ్రీనివాస్ పవన్ కళ్యాణ్ తో మూవీ చేస్తున్నారు. ఇది రామోజీ ఫిలిం సిటీలో చిత్రీకరణ జరుపుకుంటోంది.
Also, do SUBSCRIBE to our YouTube channel to get latest Tollywood updates.
