అభిమానులకు పవర్ స్టార్ పవన్ కళ్యాణ్ దీపావళికి మంచి కానుక ఇవ్వనున్నారు. డాలీ దర్శకత్వంలో ఆయన నటిస్తున్న కాటమరాయుడు టీజర్ రిలీజ్ చేస్తారా ? అని అంతదూరం ఆలోచించకండి. ప్రస్తుతం ఈ చిత్రం షూటింగ్ వేగంగా జరుపుకుంటోంది.. త్వరలో టీజర్ వస్తుంది. అంతకుముందే పవన్ మంచి కానుక ఇవ్వనున్నారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో తాను చేయనున్న మూడో సినిమా వివరాలను పవన్ పండుగ రోజు వెల్లడించనున్నారు. వీరి కాంబినేషన్లో వచ్చిన మొదటి మూవీ జల్సా విజయం సాధించింది. రెండో చిత్రం అత్తారింటికి దారేది వందకోట్ల మార్క్ ని దాటి రికార్డ్ సృష్టించింది.
మళ్లీ వీరి కలయికలో ఎప్పుడు సినిమా వస్తుందా అని పవన్ ఫ్యాన్స్ ఎదురు చూస్తున్నారు. కాటమ రాయుడు తర్వాత త్రివిక్రమ్ తో కలిసి చిత్రం ఉంటుందని వార్తలు రావడం తో చాలా ఖుషీ అయ్యారు. కానీ దసరాకు నీశన్ దర్శకత్వంలో సినిమాకు పూజలు నిర్వహించడంతో అభిమానులు నిరుత్సాహపడ్డారు. పవన్, త్రివిక్రమ్ కాంబినేషన్లో సినిమా వస్తుందా? రాదా? అని అయోమయంలో పడ్డారు. వారి అన్ని అనుమానా లని దీపావళి రోజు పవర్ స్టార్ పవన్ కళ్యాణ్ పటాస్ లాంటి ప్రకటనతో పేల్చనున్నారు.
