మహేష్ బాబు, అల్లు అర్జున్, ఎన్టీయార్, రాణా, నాగార్జున లాంటి స్టార్ హీరోలందరూ సినిమాల్లో నటించడంతోపాటు పలు సంస్థలకు ప్రచారకర్తలుగా వ్యవహరిస్తూ టీవీల్లో సందడి చేస్తున్నప్పుడు ప్రతి పవన్ కళ్యాణ్ అభిమాని మనసులో ఒక్కసారైనా అనుకొంటాడు.. “మన పవర్ స్టార్ కూడా ఇలా యాడ్స్ లో యాక్ట్ చేసి ఉంటే భలే ఉండేది కదా” అని. అప్పుడెప్పుడో కెరీర్ తొలినాళ్లలో పెప్సీకి బ్రాండ్ అంబాసిడర్ గా వ్యవహరించిన పవన్ కళ్యాణ్ ఆ తర్వాత మళ్ళీ మరో బ్రాండ్ కి ప్రచారం చేయడానికి ఒప్పుకోలేదు. అందుకు చాలా కారణాలున్నాయి.
అయితే.. ఒకవేళ పవన్ కళ్యాణ్ యాడ్స్ లో నటిస్తే ఎలా ఉంటుంది అనే చిలిపి ఆలోచన వచ్చింది ఒక యువకుడికి. దానికి దృశ్యరూపం ఎందుకు ఇవ్వకూడదు అనుకొన్నాడు, వెంటనే “రామ్ రాజ్, సంతూర్, మణప్పురం” లాంటి యాడ్స్ లో పవన్ కళ్యాణ్ నటిస్తే ఎలా ఉంటుందో అచ్చుగుద్దినట్లుగా నటించి మరీ యూట్యూబ్ లో వదిలాడు. పవన్ కళ్యాణ్ క్రేజ్ ను ఏమాత్రం డీఫేమ్ చేయకుండా.. పవన్ కళ్యాణ్ అభిమానులని కూడా అమితంగా ఆకట్టుకొనే విధంగా ఉన్న ఈ కాన్సెప్ట్ వీడియో ప్రస్తుతం యూట్యూబ్ లో ట్రెండ్ అవుతుంది. పొరపాటున పవన్ కళ్యాణ్ ఈ వీడియో చూశాడంటే.. “అరె భలే ఉందే” అని మెచ్చుకోకుండా ఉండలేడు. మీరూ ఒకసారి ఆ వీడియో చూసి ఎంజాయ్ చేయండి.
https://www.youtube.com/watch?v=T790yhz7A40
