చిరంజీవిని మించిన పవన్ కళ్యాణ్

గతంలో సినిమాలు రిలీజ్ అయిన తర్వాత రికార్డుల గురించి మాట్లాడుకునే వారు. ఇప్పుడు ఫస్ట్ లుక్ నుంచే రికార్డుల కౌంటింగ్ మొదలవుతోంది. టీజర్ కి వచ్చిన రెస్పాన్స్ బట్టి సదరు హీరో అభిమానులు సంబరాలు చేసుకుంటున్నారు. గత శనివారం పవర్ స్టార్ పవన్ కళ్యాణ్ నటించిన కాటమ రాయుడు టీజర్ విడుదలయింది. అర నిముషం నిడివిగల ఈ వీడియో సంచలనం సృష్టించింది. డాలీ దర్శకత్వంలో శరత్ మరార్ నిర్మిస్తున్న కాటమ రాయుడు టీజర్ ని చూసేందుకు అభిమానులు, నెటిజనులు ఆసక్తి కనబరిచారు. టీజర్ రిలీజ్ అయిన  కేవలం 24 గంటల్లోనే మూడు మిలియన్ (ముప్పై లక్షలు) వ్యూస్ ని దాటేసి పరుగులు పెడుతోంది.

దీనిని బట్టే పవన్ చిత్రం పై ఎంత క్రేజ్ ఉందో స్పష్టమవుతోంది. దీంతో కాటమరాయుడు తెలుగు చిత్రాల రికార్డులన్నిటిని చెరిపివేసింది. మెగాస్టార్ చిరంజీవి 150 వ సినిమా  ఖైదీ నంబర్ 150 టీజర్ పేరిట రికార్డును కూడా అధిగమించింది. దక్షిణాది సినిమాలో కబాలి తర్వాత స్థానాన్ని దక్కించుకుంది. పవర్ స్టార్ తొలి సారి ఫ్యాక్షన్ లీడర్ గా కనిపిస్తున్న ఈ మూవీలో శృతిహాసన్ హీరోయిన్ గా నటిస్తోంది. రాయలసీమ నేపథ్యంలో సాగే ఈ ఫిల్మ్ ని ఉగాది కానుకగా మార్చి 24 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.