పవర్ స్టార్ పవన్ కళ్యాణ్ ప్రస్తుతం ‘జనసేన’ పార్టీ పనుల్లో బిజీగా గడుపుతున్నాడు. ఇక ఎన్నికలకు చాలా సమయం ఉంది కాబట్టి ఒక్క సినిమా చేయాలని అభిమానులు కోరుతున్నప్పటికీ.. వాటిని తిరస్కరిస్తూనే ఉన్నాడు పవన్. ఇక మిగిలిన హీరోలు సినిమాలు మీద సినిమాలు చేస్తూ పలు రికార్డులు క్రియేట్ చేస్తూ అభిమానులని సంతోషపెడుతున్నారు. కానీ పవన్ అభిమానులకి మాత్రం అలాంటి ఆనందం ఏమాత్రం లేకుండా పోయింది అనుకుంటున్న సమయంలో… ఆయన ప్లాప్ సినిమా అరుదైన రికార్డు సృష్టించి వారిని సంతోషపెట్టింది. విషయం ఏమిటంటే పవన్ కళ్యాణ్, త్రివిక్రమ్ శ్రీనివాస్ కాంబినేషన్ లో వచ్చిన ‘అజ్ఞాతవాసి’ చిత్రం పవన్ కెరీర్లోనే పెద్ద డిజాస్టర్ గా మిగిలింది. ఇప్పటికి టాలీవుడ్ బిగ్గెస్ట్ డిజాస్టర్స్ లో నెంబర్ 1 ‘అజ్ఞాతవాసి’ చిత్రమని చెప్పాలి. కానీ ఇప్పుడు ‘అజ్ఞాతవాసి’ చిత్రం సరికొత్త రికార్డు క్రియేట్ చేసి అందరినీ ఆశ్చర్యపరిచింది.
‘అజ్ఞాతవాసి’ చిత్రాన్ని హిందీలోకి డబ్ చేసిన సంగతి తెలిసిందే. ‘అజ్ఞాతవాసి’ హిందీ వెర్షన్ ను గత ఏడాది అక్టోబర్‌ లో యూట్యూబ్ లో అప్లోడ్ చేసారు. తాజాగా ఈ చిత్రం 100 మిలియన్ల వ్యూస్ ను సాధించి సరికొత్త రికార్డ్ క్రియేట్ చేసింది. ప్రముఖ ‘గోల్డ్‌మైన్స్ టెలిఫిల్మ్స్’ యొక్క అధికారిక యూట్యూబ్ ఛానెల్‌ లో 4.6 లక్షలకు పైగా లైక్ లు ‘అజ్ఞాతవాసి’ హిందీ వెర్షన్ కి రావడం విశేషం. లైక్ లతో పాటు 100 మిలియన్ వ్యూస్ కూడా ఈ చిత్రానికి రావడం నిజంగా పెద్ద రికార్డు అనే చెప్పాలి.
‘సైరా’ నరసింహారెడ్డి లో ఆకర్షించే అంశాలు ఇవే!
‘బిగ్ బాస్ 3’ హౌస్ మేట్స్ ను సినిమా పోస్టర్లతో పోలిస్తే?
