సర్దార్ గబ్బర్ సింగ్ తర్వాత పవర్ స్టార్ పవన్ కళ్యాణ్ చేస్తున్న సినిమా షూటింగ్ జోరుగా సాగుతుంది. కొన్ని రోజుల క్రితం హైదరాబాద్ లో ప్రారంభమైన చిత్రీకరణలో కీలక ఆర్టిస్టులు పాల్గొంటున్నారు. హీరో, హీరోయిన్లు హాజరుకాలేదు. ఈ వారం నుంచి పవన్ షూటింగ్ లో పాల్గొననున్నట్లు సమాచారం. గోపాల గోపాల డైరక్టర్ డాలీ దర్శకత్వంలో తెరకెక్కుతున్న ఈ సినిమాలో పవర్ స్టార్ ఫ్యాక్షన్ లీడర్ గా కనిపించనున్నారు. అయితే ఇందులో ఓన్లీ యాక్షన్ అనుకుంటే పొరపాటే. మంచి లవ్ స్టోరీ కూడా ఉంది.
ఈ కథలో పవన్ కి రెండు లవ్ స్టోరీలు ఉన్నట్లు తెలిసింది. ముందుగా హీరో యవ్వనం లో ఉన్నప్పుడు ఒక అమ్మాయిని ప్రేమిస్తాడు. కానీ ఆమెను పెళ్లి చేసుకోలేక పోతాడు. దీంతో హృదయం పగిలి పెళ్లి చేసుకోకుండా ఉండిపోతాడు. ఫ్యాక్షన్ లీడర్ గా ఎదుగుతాడు. ఆ సమయంలో ఓ అందమైన అమ్మాయి నచ్చుతుంది. అప్పుడు మళ్లీ ప్రేమ కథ మొదలవుతుంది. ఆ అమ్మాయిగా శృతిహాసన్ నటిస్తోంది. ఈమె కూడా త్వరలోనే షూటింగ్ లో జాయిన్ కానుంది. నార్త్ స్టార్ ఎంటర్ టైన్ మెంట్ బ్యానర్లో శరద్ మరార్ నిర్మిస్తున్న ఈ మూవీకి అనూప్ రూబెన్స్ సంగీతాన్ని అందిస్తున్నారు.
