పవర్ స్టార్ పవన్ కళ్యాణ్ అంటేనే అభిమానులకు దైవంతో సమానం. అయితే సినిమా హిట్, ఫ్లాప్ తో సంభంధం లేకుండా పవన్ సినిమాలను ఆదరిస్తూ ఉంటారు అభిమానులు. ఇదిలా ఉంటే తాజాగా పవన్ అన్నీ తానై చేసిన ‘సర్దార్ గబ్బర్ సింగ్’ బాక్స్ ఆఫీస్ వద్ద డమాల్ మనడంతో పవన్ అభిమానులు తీవ్రంగా నిరాశ చెందారు. అదే క్రమంలో తాజాగా సరికొత్త విషయం ఒకటి బయటకు వచ్చింది….సర్దార్ నిరాశ నుంచి బయట పడ్డ పవన్ అభిమానులు ఆయన తాజాగా ఎస్ జె సూర్య కాంబినేషన్లో ప్రారంభం అయిన సినిమాకు టైటిల్ కన్ఫమ్ అయిందంటూ వెబ్ మీడియాలో విపరీతమైన హల్‌చల్ చేస్తున్నారు.
ఫుల్ వైట్ అండ్ వైట్ లో నిలబడి ఉన్న పవన్ ముందు ‘సేనాపతి’ అనే టైటిల్ పెట్టి ఫస్ట్ లుక్ ను పవన్ వీరాభిమానులు ఆన్‌లైన్ లో రిలీజ్ చేసేసి పండగ చేసుకుంటున్నారు. ఇందులో ఇంకో ట్విష్ట్ ఏంటంటే…‘నమ్మితే ప్రాణాలిస్తాడు’ అనే ట్యాగ్ లైన్ కూడ క్రియేట్ చేసి టైటిల్ ను అతికించేశారు. అయితే ఈఫస్ట్ లుక్ ను చూస్తూ ఉంటే కొంచెం రాజకీయ కోణం బయట పడుతుంది…పవన్ అభిమానులు ఆయన్ని ఎలా చూడాలి అని అనుకుంటున్నారో…అన్న ఆలోచనలు, ఆశలు ఆ పోస్టర్ లో స్పష్టంగా కనిపిస్తున్నాయి..అంతేకాకుండా ఈ పోస్టర్ చూస్తే అభిమానులు ఈ సినిమాను పొలిటికల్ సెటైరికల్ మూవీలా చూడాలని కోరుకుంటున్నారు అని అనిపిస్తోంది. ఇక ఈ హడావిడి అంతా ఆ నోట ఈ నోటా..తడిసి చివరకి పవన్ ను చేరగా….తన “ఫర్స్ట్” లుక్ చూస్ తానే షాక్ అయ్యాడు పవన్. మరి అభిమానుల ఆశలను పవన్ ఎంతవరకూ ఆలోచిస్తాడో చూద్దాం.
