పవర్ స్టార్ పవన్ కళ్యాణ్ సినిమాతో నికిషా పటేల్ నటిగా అరంగ్రేటం చేసింది. దాదాపు రెండేళ్ల పాటు కొమురం పులి చిత్రం కోసం కష్టపడింది. మధ్యలో ఏ సినిమా చేయకుండా చేసినప్పటికీ ఆమెకు అదృష్టం కలిసి రాలేదు. ఎస్ జె సూర్య దర్శకత్వంలో తెరకెక్కిన ఈ మూవీ భారీ అంచనాల నడుమ రిలీజ్ అయి ఫెయిల్ అయింది. అయినప్పటికీ నిరాశచెందకుండా భాషతో సంబంధం లేకుండా తమిళం, కన్నడ సినిమాల్లోనూ నటిస్తూ సాగుతోంది. ప్రస్తుతం తెలుగు, తమిళ భాషల్లో రూపుదిద్దుకుంటున్న ద్విభాషా చిత్రంలో నటిస్తోంది. ఈ సినిమాపై ఆశలు పెట్టుకుంది. తాజాగా మీడియా ముందుకు వచ్చిన నికిషా సంచలన కామెంట్ చేసి వార్తల్లో వ్యక్తిగా నిలిచింది. ప్రభుదేవాతో నటిస్తారా? అనే ఆమెను ప్రశ్నించగా.. అదిరిపోయే సమాధానం ఇచ్చింది.
“నాకు ప్రభుదేవ అంటే ఇష్టం. ఆయనతో నటించాడని మాత్రమే కాదు.. ఆయన ఒప్పుకుంటే పెళ్లి చేసుకుంటా” అని అందరినీ షాక్ కి గురిచేసింది. దీంతో ఈ న్యూస్ రెండు పరిశ్రమల్లో చర్చనీయాంశమైంది. ప్రభుదేవా మొదటి భార్యతో విడాకులు తీసుకొని దూరంగా ఉన్నారు. మధ్యలో నయనతార తో ప్రేమను కొనసాగించారు. పెళ్లి వరకు వెళ్లి విడిపోయారు. ప్రేమ, పెళ్లి గురించి ఆలోచించకుండా నటిస్తూ, దర్శకత్వం చేస్తూ వివాదాలకు దూరంగా ఉంటున్నారు. తాజాగా నికిషా కామెంట్స్ అతన్ని వార్తల్లో నిలిపింది. వారి మధ్య ఏమి లేకుండగానే నికిషా ఇంత మాట అనేసిందా? అని అందరూ ప్రశ్నించుకుంటున్నారు. మరి సమాధానం ఎప్పటికి దొరుకుతుందో చూడాలి.
