సినీ నటుడిగా కంటే పవన్ కళ్యాణ్ ని ఓ మంచి మనిషిగా అభిమానించే వారే ఎక్కువ. జనసేన అధినేత తాను నమ్మిన సిద్ధాంతాలకు కట్టుబడి ఉంటారు. తన ఆశయాల సాధనకు ఎంత పెద్ద వారు ఎదురైనా పవర్ స్టార్ వెనుకాడరు. కష్టాల్లో ఉన్న పేదలను ఆదుకోవడానికి ముందు వెనుక చూసుకోకుండా సాయం చేసే మానవత్వం కలిగిన మనిషి అయన.
అతని నిజాయితీని చాటే సంఘటన తాజాగా మరొకటి జరిగింది. ప్రజల సమస్యలపై పోరాడేందుకు, సభలు నిర్వహించేందుకు పవన్ ఇబ్బందులు పడుతున్నాడని తెలిసి ఆంధ్రప్రదేశ్ కి చెందిన ఓ వ్యాపార వేత్త జనసేనకు పార్టీ ఫండ్ గా 200 కోట్లు ఇవ్వడానికి ముందుకొచ్చాడట. అయితే ఆ మొత్తాన్ని తీసుకోవడానికి పవర్ స్టార్ అంగీకరించలేదని సమాచారం. ఇటువంటి ఫండ్ లకు జనసేన చాలా దూరమని అధినేత స్పష్టం చేసినట్లు అయన సన్నిహితులు చెప్పారు. పవన్ సొంత డబ్బులతోనే పార్టీ కార్యక్రమాలను నిర్వహిస్తారని వారు వెల్లడించారు. ఈ సంఘటనతో పవన్ పై ప్రజల్లో గౌరవం మరింత పెరిగింది.
