పెద్ద నోట్ల రద్దు తర్వాత ముందుగా అందరికీ రెండు వేల రూపాయల నోటు అందుబాటులోకి వచ్చింది. కొంతమంది బాగుందని అటుంటుంటే.. మరికొంతమంది రంగు పోతుందని విమర్శించారు. సోషల్ మీడియా ఉత్సాహవంతులైతే వాటితో సెల్ఫీలు దిగి షేర్ చేసుకున్నారు. ఈ నోటు కొంత ఆలస్యంగా పవర్ స్టార్ పవన్ కళ్యాణ్ చేతికి వచ్చింది. గురువారం డాలీ దర్శకత్వంలో కాటమ రాయుడు షూటింగ్ లో బిజీగా ఉన్న ఆయనకు ఈ నోటుని చిత్ర యూనిట్ సభ్యులు ఇచ్చారు.
ఈ సినిమా కోసం వేసిన రైల్వే స్టేషన్ సెట్లో కూర్చొని ఆ నోటుని పవర్ స్టార్ క్షుణ్ణంగా పరిశీలించారు. అంతేకాదు వందనోటు, రెండువేల రూపాయల నోటుని పట్టుకుని వాటిలో ఉన్న తేడాని గమనించారు. షూటింగ్ గ్యాప్ లో నోట్ పట్టుకున్న పవన్ ని ఫొటోగ్రాఫర్లు క్లిక్ మనిపించారు. ఆయన మనసులో ఉన్న మాటను మాత్రం కెమెరాలో బంధించలేక పోయారు. నోటు పట్టుకుని పవర్ ఏమని ఆలోచిస్తున్నారో..? మీరైనా గెస్ చేయగలరా?
Also, do SUBSCRIBE to our YouTube channel to get latest Tollywood updates.
