రాజకీయాల్లోకి ఎంట్రీ అనంతరం పవన్ కళ్యాణ్ (Pawan Kalyan) సినిమాలకు గ్యాప్ ఇచ్చిన విషయం తెలిసిందే. ఆయన మళ్ళీ సినిమాల్లో నటిస్తాడా లేదా అనే విషయంలో ఇంకా క్లారిటీ లేకపోయినప్పటికీ.. ఆయన చిత్రపరిశ్రమకి దూరమవ్వడానికి మాత్రం ఆసక్తి చూపడం లేదని తెలుస్తోంది. పవన్ కళ్యాణ్ సినిమాల్లో లేకపోయినా ఆయన స్థాపించిన “పవన్ కళ్యాణ్ క్రియేటివ్ వర్క్స్” మాత్రం యాక్టివ్ గా ఉండబోతోందట. ఆ బ్యానర్ లో వరుసబెట్టి సినిమాలు రూపొందించేందుకు సన్నాహాలు చేస్తున్నాడట పవన్ కళ్యాణ్.
ప్రస్తుతం నితిన్ హీరోగా “చల్ మోహన్ రంగ” ఈ సంస్థలోనే రూపొందుతున్న విషయం తెలిసిందే. ఏప్రిల్ 5న ఈ చిత్రం విడుదలవుతోంది. ఈ సినిమా తర్వాత ఇమ్మీడియట్ గా ఓ మెగా హీరోతో ఈ మెగా బ్యానర్ లో సినిమా తెరకెక్కించేందుకు సన్నద్ధమవుతున్నారట. ఈ సినిమా వివరాలు ఏమిటనేది త్వరలోనే తెలియజేస్తారట. సో, హీరోగా సినిమాలకు దూరమైనా.. ప్రొడ్యూసర్ గా మాత్రం తన అభిమానులకు దగ్గరగానే ఉంటాడనే విషయం తెలుస్తోంది. ఇకపోతే.. పవన్ కళ్యాణ్ మరో రెండు సినిమాల్లో నటించనున్నాడని వస్తున్న వార్తల్లో నిజం లేదని పవన్ స్నేహితులు వెల్లడించారు.
