ఈ మధ్య ముల్టీ స్టారర్ ట్రెండ్ బాగానే నడుస్తుంది. అయితే అప్పుడెప్పుడో ఎన్టీఆర్..ఏఎన్నార్ నాటి కాలంలో నడిచిన ఈ ముల్టీ స్టారర్ సినిమాలకు మళ్ళీ ప్రాణం పోశారు వెంకీ-మహేష్. ఇదిలా ఉంటే తాజాగా పవన్ లండన్ వెళ్ళి…అక్కడ యూనైటెడ్ కింగ్డమ్ తెలుగు అసోసియేషన్ వారి ప్రోగ్రామ్ కు ముఖ్య అతిధిగా హాజరయిన సంగతి తెలిసిందే.
అయితే అక్కడ అభిమానులతో కలసి మాట్లాడుతున్న పవన్ కు కొందరు అభిమానులు ముల్టీ స్టారర్ గురించి అడగగా, పవన్ చాలా కూల్ గా స్పందించారు అని తెలుస్తుంది. అక్కడ జరిగిన మాటల్లో ఒక అభిమాని పవన్ ను …“పవన్ కళ్యాణ్, అజిత్ల కాంబినేషన్లో ఓ సినిమా వస్తే చూడాలని ఎదురుచూస్తున్నాం. భవిష్యత్లో అలాంటి సినిమా చేసే అవకాశం ఏమైనా ఉందా?” అని అడగగా…పవన్ స్పందిస్తూ…ఈ మద్య మల్టీ స్టారర్ చిత్రాలు బాగానే వస్తున్నాయి “ఈ కాంబినేషన్లో మల్టీస్టారర్ గురించి నన్ను ఇప్పటివరకైతే ఎవ్వరూ సంప్రదించలేదు.
ఒకవేళ ఎవ్‌రైన ముందుకు వస్తే నేను చెయ్యడానికి రెడీ అని తెలిపాడు. అంతేకాకుండా, తప్పకుండా అజిత్తో సినిమా చేస్తా” అని పవన్ కళ్యాణ్ సమాధానం ఇవ్వడంతో అభిమానులు ఫుల్ ఖుషీ అయ్యారు. ఇక ఇప్పటికీ పవన్ వెంకీ తో ‘గోపాల గోపాల్’ సినిమాలో నటించిన సంగతి తెలిసిందే. మరి తమిళ సూపర్ హీరో అజిత్, తెలుగు పవర్ స్టార్ పవన్ కలసి సినిమా చేస్తే….రికార్డుల ప్రభంజనమే.
