పవర్ స్టార్ పవన్ కల్యాణ్ నటిస్తున్న సర్దార్ గబ్బర్ సింగ్ పాటలు ఇప్పటికే విడుదల అయ్యాయి. అభిమానుల్ని అయితే పూర్తిగా ఆకట్టుగోగలిగాయి కానీ సామాన్య ప్రేక్షకుణ్ణి మాత్రం కాస్త నిరాశ పరిచాయి అనే చెప్పాలి. ఇదిలా ఉంటే గబ్బర్ సింగ్ కు సీక్వెల్ గా వస్తున్న ఈ చిత్రం పై అంచనాలు భారీగానే ఉన్నాయి. అయితే సర్దార్ పాటలు విడుదల అయినప్పటినుంచీ ఈ సినిమాపై బ్యాడ్ పబ్లిసిటీ మొదలయింది. సినిమా ఖచ్చితంగా ఫ్లాప్ అని సాక్షాత్తూ ఫాన్స్ సైతం చెప్పుకుంటూ ఉండడంతో దీనిపై తీవ్ర మదనపడుతున్నారు చిత్ర యూనిట్. ఇంతకీ ఈ బ్యాడ్ టాక్ కి అసలు కారణం ఎవరు అంటే….సాక్షాత్తూ పవన్ కల్యాణ్ అని తెలుస్తుంది.
అదేంటి ఈ సినిమాకి అన్నీ తానై నడిపించిన పవన్ కల్యాణ్…ఈ సినిమా నెగెటివ్ టాక్ కు కారణం ఎలా అవుతాడు అంటే….”అన్నీ తనై నడిపించడం” వల్లనే అంటున్నారు అభిమానులు. పవన్ ఒక హీరో, కానీ గతంలో పవన్ దర్శకుడి అవతారం ఎత్తి మెగా ఫోన్ పట్టుకున్నాడు. ‘జానీ’ అనే సినిమాని తనే డైరెక్ట్ చేశాడు. ఏమయ్యింది కట్ చేస్తే…సినిమా మామూలు ఫ్లాప్ కాదు. డిజాస్టర్ కే డిజాస్టర్ అయ్యింది. ఇక ఇప్పుడు సర్దార్ పరిస్థితి అంతే ఎందుకంటే…సర్ధార్ గబ్బర్ సింగ్ డైరెక్టర్ బాబి అని అధికారికంగా వినిపిస్తున్నప్పటికీ…అసలు డైరెక్టర్ పవన్ కళ్యాణ్ అనే అందరూ అనుకుంటున్నారు…అంటున్నారు కూడా. మరి ఇదే నిజం అయితే సర్దార్ మరో జానీ అవుతుందా అన్న అనుమానం ఫాన్స్ లో బలంగా ఉంది. మరి దీనిపై పవన్ ప్రెస్ మీట్ ని పెట్టి, సర్ధార్ గబ్బర్ సింగ్ పై వస్తున్న రూమర్స్ కి క్లారిటీ ఇచ్చేందకు రెడీగా ఉన్నాడని చిత్ర యూనిట్ నుంచి వస్తున్న సమాచారం. చూద్దాం ఏం జరుగుతుందో.
