పవర్ స్టార్ పవన్ కళ్యాణ్ అన్న మెగాస్టార్ చిరంజీవి బాటలోనే నడుస్తున్నారు. చిరు వ్యాపార పరంగా ఆలోచించి ఖైదీ నంబర్ 150 ని 150 వ చిత్రంగా చెప్పుకున్నారు. లాజిక్‌ ప్రకారం ‘ఖైదీ నెంబర్‌ 150’ ఆయనకు 151వ సినిమా. ‘మగధీర’లో కాసేపు కనిపించిన చిరుకు అది 149వ సినిమా అని లెక్కేశారు. అయితే చెర్రీతో మరోసారి నటించిన ‘బ్రూస్‌లీ’ని మాత్రం లెక్కించలేదు. తమ కన్వీనియెన్స్‌ కోసం, ప్రచారం కోసం ఇలా చేశారు. అదే విధంగా పవన్ నంబర్ గేమ్ ఆడుతున్నారు. ఇంతవరకు పవన్ హీరోగా నటించిన సినిమాలు 22. దీని ప్రకారం చూస్తే పవన్, త్రివిక్రమ్ లది 23వ చిత్రం అవ్వాలి.
అయితే ఈ సినిమాకి నంబర్ కలర్‌ ఇస్తే బాగుంటుందనే ఉద్దేశంతో ఆయన తెరపై కనిపించిన ‘శంకర్‌దాదా ఎమ్‌బీబీఎస్‌’, ‘శంకర్‌దాదా జిందాబాద్‌’లను కూడా పరిగణనలోకి తీసుకుని త్రివిక్రమ్‌తో చేయబోయేది 25వ సినిమా అని చెబుతున్నారు. ఈ మూవీకి పీకే 25 హ్యాష్ ట్యాగ్ ని ఫిక్స్ చేసేసారు. దీనిపై త్వరలోనే త్రివిక్రమ్ అధికారిక ప్రకటన చేయనున్నారు.
Also, do SUBSCRIBE to our YouTube channel to get latest Tollywood updates.
