మాటల మాంత్రికుడు త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న సినిమా ప్రస్తుతం రామోజీ ఫిలిం సిటీలో వేసిన భారీ సెట్ లో చిత్రీకరణ జరుపుకుంటోంది. హీరో పవన్, హీరోయిన్లు అను ఇమ్మానియేల్ , కీర్తి సురేష్ లపై కొన్ని సరదా సన్నివేశాలను షూట్ చేస్తున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ చిత్రంలో కుష్బూ కీలక రోల్ పోషిస్తోంది. పవన్ సాఫ్ట్ వేర్ ఇంజినీర్ గా నటిస్తున్న ఈ మూవీ కథ లీకయినట్లు సోషల్ మీడియాలో వార్త గుప్పుమంది. “మల్టీ నేషనల్ కంపెనీలో పవన్ కళ్యాణ్ సాఫ్ట్ వేర్ ఉద్యోగం చేస్తుంటారు. ఆ కంపెనీ చేపట్టే భారీ ప్రాజెక్ట్ లని అతని అండర్ లోనే రెడీ అవుతుంటాయి.
అనుకోకుండా ఇంజినీర్ ఓ ఫ్యామిలీ ప్రాజెక్ట్ ని కూడా చేపట్టవలసి వస్తుంది. ఆ ఫ్యామిలీ ప్రాజెక్ట్ ఏంటి? దాన్ని ఎలా సాల్వ్ చేశారు? అనేది స్టోరీ లైన్” అంటూ ప్రచారం సాగుతోంది. ఇది కుటుంబ కథ అయినప్పటికీ ఇందులో పవన్ అభిమానులకు కావాల్సిన అన్ని అంశాలు ఉంటాయని సమాచారం. జల్సా, అత్తారింటికి దారేది తర్వాత పవన్, త్రివిక్రమ్ కలయికలో వస్తున్న ఈ చిత్రానికి దేవుడే దిగివచ్చినా.. అనే టైటిల్ ని పరిశీలిస్తున్నారు.
Also, do SUBSCRIBE to our YouTube channel to get latest Tollywood updates.
