టాలీవుడ్ లో పవర్ స్టార్ పవన్ కల్యాణ్, మాటల మాంత్రికుడు త్రివిక్రమ్ కాంబినేషన్ కి భారీ క్రేజ్ ఉంది. వీరిద్దరి కలయికలో వచ్చిన ‘జల్సా’ సూపర్ హిట్ కాగా, ‘అత్తారింటికి దారేది’ బ్లాక్ బస్టర్ గా నిలిచింది. మళ్లీ వీరిద్దరిని హారికా హాసిని క్రియేషన్స్ వారు కలిపారు. పవర్ స్టార్, త్రివిక్రమ్ కాంబినేషన్లో నిర్మాత ఎస్. రాధ కృష్ణ భారీ బడ్జట్ తో మూవీ నిర్మించేందుకు సిద్ధమయిపోయారు.
తాజా గా ఈ సినిమాకు టైటిల్ కూడా ఫిక్స్ చేసినట్లు తెలిసింది. “దేవుడే దిగివచ్చిన..” అనే పేరుని రిజిస్టర్ చేసినట్లు సమాచారం. మాటల మాంత్రికుడు ప్రస్తుతం ఈ ఫిల్మ్ స్క్రిప్ట్ వర్క్ లో బిజీగా ఉన్నారు. ఇప్పుడు డాలీ దర్శకత్వంలో పవర్ స్టార్ ‘కాటమరాయుడు’ సినిమా చేస్తున్నారు. ఈ మూవీ పూర్తి అయిన తర్వాత కొత్త సినిమా గురించి వెల్లడించనున్నారు. ఈ సినిమా జనవరిలో సెట్స్ మీదకు వెళ్లనుంది.
