పవర్ స్టార్ పవన్ కళ్యాణ్ అన్నదమ్ముల అనుబంధంపై గతంలో తమ్ముడు మూవీ చేశారు. ఆ తర్వాత మళ్లీ ఇప్పుడు కాటమరాయుడు చిత్రం చేస్తున్నారు. అయితే అందులో తమ్ముడిగా నటిస్తే ఇందులో అన్నగా కనిపించనున్నారు. పవన్ కళ్యాణ్ కి తమ్ముల్లుగా అజయ్, కమల్ కామరాజు, శివ బాలాజీ నటిస్తున్నారు. పవన్ ని ప్రేమలో పడేసే భామ పాత్రను శృతిహాసన్ పోషిస్తోంది. రాయలసీమ నేపథ్యంలో సాగే ఈ చిత్రాన్నీ డాలీ తెరకెక్కిస్తున్నారు. శరత్ మరార్ నిర్మిస్తున్న ఈ మూవీ ప్రస్తుతం రామోజీ ఫిలింసిటీలో చిత్రీకరణ జరుపుకుంటోంది.
సోమవారం పవన్, తమ్ముళ్లు పై కీలక సీన్స్ తెరకెక్కించారు. ఫిబ్రవరి చివరి నాటికి షూటింగ్‌ పూర్తి చేయాలని డాలీ భావిస్తున్నారు. ఉగాది కానుకగా మార్చి 29 న థియేటర్లలోకి రానున్న ఈ మూవీ టీజర్ ని ఈనెల 26 న రిలీజ్ చేయాలనీ చిత్ర బృందం అనుకుంది. కానీ కొన్ని కారణాల వల్ల టీజర్ విడుదల పోస్ట్ పోన్ చేసింది. అనూప్‌ రూబెన్స్‌ సంగీతమందిస్తున్న ఈ మూవీపై అభిమానులు భారీ అంచనాలను పెట్టుకున్నారు.
Also, do SUBSCRIBE to our YouTube channel to get latest Tollywood updates.
