పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ కాంబినేషన్లో వస్తున్న మూడో మూవీ పనులు ఊపందుకున్నాయి. ప్రస్తుతం డాలీ దర్శకత్వంలో “కాటమరాయుడు” చిత్రీకరణలో బిజీగా ఉన్న పవన్ తర్వాతి సినిమాకు పూజా కార్యక్రమాలు పూర్తిచేశారు.. త్రివిక్రమ్ కూడా తమ సినిమా కోసం తమిళ సంగీత దర్శకుడు అనిరుద్ తో కలిసి పాటలను స్వరపరుచుకుంటున్నారు. “దేవుడే దిగి వచ్చినా..” అనే టైటిల్ ని పరిశీలిస్తున్న ఈ చిత్రానికి ఖుషి సినిమాకు కెమెరామెన్ గా పనిచేసిన ప్రముఖ ఫోటో గ్రాఫర్ పీసీ శ్రీరామ్ ని తీసుకున్నారు. టెక్నీషియన్లతో పాటు ఆర్టిస్టుల సెలక్షన్ కూడా డైరక్టర్ కంప్లీట్ చేశారు.
హారిక హాసిని క్రియేషన్స్ సంస్థ నిర్మించే ఈ చిత్రంలో ప్రధాన కథానాయికగా నేను శైలజ ఫేమ్ కీర్తి సురేష్, రెండో హీరోయిన్ గా అను ఇమ్మాన్యుయెల్ లను తీసుకున్నారు.చిత్రం సెట్స్ మీదకు వెళ్ళడానికి త్రివిక్రమ్ అంతా సెట్ చేసారు. జనవరి నుంచి షూటింగ్ మొదలుపెడుదామని మొదట అనుకున్నారు. కానీ కాటమరాయుడు చిత్రానికి మరికొన్ని డేట్స్ అవసరం అవడంతో ఫిబ్రవరికి మార్చారు. ఆ నెల మొదటి వారం నుంచి రెగ్యులర్ షూటింగ్ జరుపుకోనుంది. జల్సా, అత్తారింటికి దారేది సినిమాల తర్వాత వీరి కాంబినేషన్లో వస్తున్న మూవీ కావడంతో దీనిపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
