యువ దర్శకుడు అజయ్ భూపతి తెరకెక్కించిన”ఆర్‌ఎక్స్ 100″ సినిమా ద్వారా హీరోయిన్ గా అడుగుపెట్టిన పాయల్ రాజ్ పుత్ సూపర్ క్రేజ్ సొంతం చేసుకుంది. ఈ సినిమా ఘనవిజయం సాధించడంలో పాయల్ రాజ్ పుత్ భాగం ఎక్కువని సినీ విశ్లేషకులు తేల్చేశారు. ఆమె రొమాన్స్, పెర్ఫార్మెన్స్ అదిరిపోయాయని కితాబు ఇస్తున్నారు. అందుకే ఆమె కోసం దర్శకనిర్మాతలు క్యూలో ఉన్నారు. పాయల్ మాత్రం విభిన్నమైన కథలను ఎంచుకొని ముందుకు వెళ్తోంది. తెలుగులో కొత్త దర్శకుడు భాను శంకర్ దర్శకత్వంలో నటించడానికి ఓకే చెప్పింది. “మిస్టర్ అండ్ మిసెస్ 420 రిటర్న్స్” అనే పంజాబీ చిత్రంలో నటిస్తోంది. ఇవేకాకుండా తమిళంలో ఒక సినిమా చేస్తోంది. ఉదయనిధి స్టాలిన్ హీరోగా సినిమా రూపుదిద్దుకుంటోంది. ఈ సినిమా పేరు ఏంజిల్.
చెన్నై లో హీరోహీరోయిన్ల మధ్య పెళ్ళి సన్నివేశాలను చిత్రీకరిస్తున్నారు. దీంతో పెళ్లిపీటలపై పాయల్ సిగ్గు పడుతూ కూర్చుంది. ఈ ఫోటో సోషల్ మీడియాలో విహారం చేసింది. అభిమానులయితే ఇప్పుడే పాయల్ పెళ్లిచేసుకుంటోందని కంగారు పడిపోయారు. అంతటితో ఆగకుండా పాయల్ “నాకు పెళ్లి చేసుకొని భర్తతో కలిసి హాయిగా గడపాలని ఉంది” అని స్టేట్మెంట్స్ ఇచ్చింది. ఈ కామెంట్ తో మరింత వైరల్ అయింది. ఫ్యాన్స్ ఆందోళన చూసి తాజాగా తన పెళ్లిపై క్లారిటీ ఇచ్చింది. “పెళ్లి చేసుకోవాలని ఉంది. కానీ ఇప్పుడు కాదు. ఇంకొన్ని సినిమాలు చేయాలి. మంచి పేరు తెచ్చుకోవాలి.. ఆ తర్వాత పెళ్లి. మిగిలినవన్నీ” అని పాయల్ స్పష్టంచేసింది.
