బుల్లితెర మీదుగా వెండితెరపైకి వచ్చిన బ్యూటీ పాయల్ రాజ్ పుత్. “ఆర్ఎక్స్ 100” సినిమా ద్వారా తెలుగు చిత్ర పరిశ్రమలోకి అడుగుపెట్టింది. తొలి సినిమాతోనే భారీ క్రేజ్ సొంతం చేసుకుంది. యువ దర్శకుడు అజయ్ భూపతి తెరకెక్కించిన ఈ చిత్రం భారీ లాభాలను తెచ్చిపెట్టింది. ఇందులో పాయల్ రొమాన్స్, పెర్ఫార్మెన్స్ చూసేందుకు ప్రేక్షకులు ఎగబడ్డారని తెలుసుకున్న దర్శకనిర్మాతలు ఆమె డేట్స్ కోసం క్యూ కట్టారు. అనేక కథలు విన్న పాయల్ భాను శంకర్ చెప్పిన కథ కి ఒకే చెప్పింది. ఆర్ఎక్స్ 100 లో తన పాత్రకు పూర్తిగా భిన్నంగా ఉండే పాత్ర కావడంతో పాయల్ గ్రీన్ సిగ్నల్ ఇచ్చినట్లు తెలిసింది.
యాక్షన్ సన్నివేశాల్లోను నటించనున్నట్లు చెప్పుకుంటున్నారు. ఈ మూవీ ఈ నెలలోనే సెట్స్ మీదకు వెళ్లనుంది. తెలుగులోనే కాకుండా తమిళంలోనూ అడుగుపెట్టడానికి సిద్ధమైంది. డీఎంకే పార్టీ చీఫ్ స్టాలిన్ కుమారుడు ఉదయనిధి స్టాలిన్ హీరోగా తెరకెక్కనున్న ‘ఏంజెల్’ అనే సినిమాలో పాయల్ హీరోయిన్ గా నటించేందుకు గ్రీన్ సిగ్నల్ ఇచ్చింది. మరో హీరోయిన్ గా ఆనంది నటించనున్న ఈ సినిమాను అదియమాన్ దర్శకత్వం వహించనున్నారు. ఓఎస్టీ ఫిలిమ్స్ బ్యానర్ పై రామ్ శరవణన్ నిర్మించనున్న ఈ మూవీ హిట్ అయితే తమిళంలోనూ పాయల్ రాజ్ పుత్ దూసుకుపోవడం ఖాయం.
