“సాహో” సినిమా కోసం ప్రభాస్ స్కై డైవింగ్ చేస్తున్నాడనే వార్తలు “బాహుబలి 2” రిలీజ్ తర్వాత నుంచి వినిపిస్తూనే ఉన్నాయి. ప్రభాస్ అభిమానులు మాత్రమే కాక ప్రపంచవ్యాప్తంగా ఉన్న తెలుగు మరియు సౌత్ ఇండియన్ సినిమా అభిమానులందరూ సదరు హాలీవుడ్ రేంజ్ స్టంట్స్ కోసం వెయిట్ చేస్తూనే ఉన్నారు. అయితే.. ఈలోపు సల్మాన్ ఖాన్ ఆ రేర్ ఫీట్ ను చేసి కాస్త రుచి చూపించేశాడు కూడా.
ఇంతకీ విషయం ఏంటంటే.. ఇవాళ విడుదలైన “రేస్ 3” ట్రైలర్ లో నిజంగా సల్మాన్ ఖాన్ చేయకపోయినా గ్రాఫిక్స్ లో సల్మాన్ చేస్తున్నట్లుగా స్కై డైవింగ్ స్టంట్ ను చూపించారు. దాంతో ఇండియన్ ఆడియన్స్ కు మొదటిసారిగా స్కై డైవింగ్ స్టంట్స్ ను చూపిద్దామనుకొన్న ప్రభాస్ -సుజీత్ ల కలలు నీరుగారిపోయాయి. ‘రేస్ 3″ను మించే స్థాయిలో “సాహో” స్టంట్స్ ఉన్నప్పటికీ.. ఫస్ట్ ఈజ్ ఫస్ట్ అన్నట్లుగా ఆ రికార్డ్ కానీ ఆ ఫీల్ కానీ సల్మాన్ సృష్టించేశాడు కాబట్టి ప్రభాస్ ఏదో రిపీట్ చేసినట్లుగా ఉంటుంది. పాపం ప్రభాస్ అనుకోవడం తప్ప ఏమీ చేయలేం.
