నక్క తోక ఏమైనా తొక్కి రీఎంట్రీ ఇచ్చిందో ఏమో కానీ.. “దువ్వాడ జగన్నాధం” చిత్రంతో కొన్ని ఏళ్ల విరామం అనంతరం తెలుగులోకి మళ్ళీ ఎంట్రీ ఇచ్చిన పూజ హెగ్డే అప్పట్నుంచి వరుస సినిమాలతో యమ బిజీ అయిపోయింది. ఆల్రెడీ అల్లు అర్జున్, ఎన్టీఆర్ లాంటి స్టార్ హీరోలతో నటించిన పూజ ప్రస్తుతం ప్రభాస్, మహేష్ బాబుల చిత్రాల్లో నటిస్తోంది. తెలుగుతోపాటు హిందీలోను వరుస సినిమాలు చేస్తోంది. ఆల్రెడీ అక్షయ్ కుమార్ తో “హౌస్ ఫుల్ 3” సినిమాలో నటించిన పూజా హెగ్డేకు అక్కడ కూడా వరుస ఆఫర్లు క్యూకడుతున్నాయి.
ఆల్రెడీ పూజాతో కలిసి ఒక సినిమా చేసిన అక్షయ్ కుమార్ కి పూజ గ్లామర్ నచ్చిందో లేక పనితనం నచ్చిందో తెలియదు కానీ.. రోహిత్ శెట్టి దర్శకత్వంలో తాను నటించబోయే తదుపరి చిత్రంలో కథానాయికగా పూజను సెలక్ట్ చేసుకొన్నాడు. సింగం సిరీస్ లో భాగంగా తెరకెక్కనున్న ఈ చిత్రం త్వరలోనే మొదలవ్వనుంది. ఆల్రెడీ వరుస విజయాలతో దూసుకుపోతున్న మోస్ట్ సక్సెస్ ఫుల్ డైరెక్టర్ రోహిత్ శెట్టి దర్శకత్వంలో నటించే అవకాశం లభించడం అంటే పూజ స్థాయి, క్రేజ్ పెరిగినట్లే. మరి ఈ స్టార్ డమ్ ను పూజ సరిగా క్యాష్ చేసుకుంటుందో లేదో చూడాలి.
