ముకుంద సినిమాతో తెలుగులోకి అడుగుపెట్టిన పూజా హెగ్డే పక్కింటి అమ్మాయిగా పేరు తెచ్చుకుంది. ఆ తర్వాత చేసిన “ఒక లైలా కోసం”లో కూడా చక్కని నటనతో ఆకట్టుకుంది. బాలీవుడ్ లోను ఓ సినిమా చేసింది. అయినా తన కెరీర్ ఊపందుకోలేదు. దీంతో దువ్వాడ జగన్నాథం లో స్టైల్ మార్చింది. గ్లామర్ డోస్ పెంచింది. బికినీ అందాలతో అందరినీ పడగొట్టేసింది. ఇంకేముంది ఆఫర్లు వరుసగా అందుకుంటోంది. రంగస్థలంలో చరణ్ తో కలిసి జిగేల్ రాణిగా కవ్వించింది. అలాగే శ్రీవాస్ డైరెక్షన్‌లో తెరకెక్కుతోన్న సాక్ష్యం సినిమాలో హీరోయిన్ గా అలరించనుంది. బెల్లంకొండ శ్రీనివాస్ హీరోగా నటిస్తున్న మూవీలో మిడిల్ క్లాస్ బ్రాహ్మిన్ అమ్మాయిగా మెప్పించనుంది. ఎన్టీఆర్, త్రివిక్రమ్ కలయికలో తెరకెక్కుతున్న సినిమాలోనూ అవకాశం అందుకుంది.
త్వరలోనే ఈ మూవీ షూటింగ్ లో పాల్గొననుంది. ఇదే కాదు మరో స్టార్ హీరో సూపర్ స్టార్ మహేష్ బాబు తో కలిసి నటించనుంది. అమెరికాలో ఎక్కువగా షూటింగ్ జరుపుకోనున్న ఈ మూవీలో పూజా మరింత పోష్ గా కనిపించనుంది. ఇక ప్రభాస్ తోను జతకట్టనుంది. గోపి కృష్ణ ఫిలిమ్స్ బ్యానర్లో కృష్ణం రాజు నిర్మించనున్న ఆ సినిమా జులై లో సెట్స్ పైకి వెళ్లనుంది. ఇలా వరుస ఆఫర్లు రావడానికి అందమే ప్రధాన కారణమని సినీ విశ్లేషకులు చెబుతున్నారు. ఈ అందంతోనే బాలీవుడ్ దర్శకనిర్మాతలు ఆకర్షించిందని.. అక్కడ కూడా ఓ భారీ బడ్జెట్ చిత్రంలో ఛాన్స్ అందుకుందని వెల్లడించారు.
