సూపర్ స్టార్ మహేష్ బాబు, కొరటాల శివ క్రేజీ కాంబినేషన్లో వచ్చిన భరత్ అనే నేను సినిమా గత శుక్రవారం రిలీజ్ అయి బ్లాక్ బస్టర్ హిట్ సొంతం చేసుకుంది. బాలీవుడ్ బ్యూటీ కైరా అద్వానీ హీరోయిన్ గా నటించిన ఈ మూవీ విడుదలయిన అన్ని థియేటర్లలో హౌస్ ఫుల్ కలక్షన్స్ రాబడుతోంది. తెలుగు రాష్ట్రాల్లోనే కాకుండా ప్రపంచవ్యాప్తంగా భారీ వసూళ్లు సాధిస్తోంది. వారం పూర్తికాకముందే 125 కోట్ల ను క్రాస్ చేసిన సందర్భంగా విజయోత్సవ వేడుకను రేపు తిరుపతిలో వైభవంగా నిర్వహించాలని అనుకున్నారు. అయితే ఈ వేడుక వాయిదా పడింది.
ఆంధ్రలో అనుకోకుండా వర్షాలు మొదలవడంతో ఈ నిర్ణయం తీసుకున్నట్టు చిత్రబృందం తెలిపింది. ఎప్పుడు, ఎక్కడ విజయోత్సవాన్ని నిర్వహించాలనే విషయాన్నీ ఈరోజు కానీ, రేపు కానీ మీడియా ద్వారా తెలియజేయనున్నారు. హైదరాబాద్ లోనే అభిమానుల సమక్షంలో ఈ వేడుకని నిర్వహించాలని మహేష్ సూచించినట్టు సమాచారం. ఆదివారం అయితే బాగుటుందని అని కూడా చెప్పారంట. ఈ చిత్రానికి సంబంధించి బహిరంగసభను నిర్వహించాలని అనుకున్నప్పుడు కూడా హైదరాబాద్ లో వర్షం భయపెట్టింది. అందుకే ఈసారి ఓపెన్ వేదిక కాకుండా ఇండోర్ వేదికనే ఖరారు చేయనున్నారు.
