విజయ్ దేవరకొండ, ప్రియాంక జవాల్కర్ జంటగా, రాహుల్ సాంకృత్యాన్ దర్శకత్వంలో, యూవీ క్రియేషన్స్, జిఏ 2 పిక్చర్స్ సంయుక్తంగా నిర్మిస్తున్న సినిమా టాక్సీవాలా. హారర్ అండ్ థ్రిల్లర్ జానర్ లో ఉండే ఈ సినిమా రిలీజ్ కి కొన్ని రోజుల ముందే సినిమా మొత్తం లీకై పెద్ద షాక్ ఇచ్చిన విషయం మన అందరికి తెలిసిందే. హీరో విజయ్ దేవరకొండ ఇంతకు ముందు నటించిన ‘గీత గోవిందం’ సినిమాకి కూడా పైరసీ తెగ ఇబ్బంది పెట్టింది. అయితే ఒక యంగ్ టీం చాలా కష్టపడి ప్రాణం పెట్టి టాక్సీవాలా సినిమాని తీసారని చాలా మంది ఈ టీం కి సపోర్ట్ ఇస్తూ పైరసీ పైన ఫైట్ చేస్తూ కామెంట్ చేస్తున్నారు.
ఇక రేపు రిలీజ్ అవ్వబోతున్న ‘టాక్సీవాలా’ సినిమా గురించి, యంగ్ రెబెల్ స్టార్ ప్రభాస్, హీరో విజయ్ దేవరకొండకి బెస్ట్ విషెష్ చెబుతూ, ప్రతి ఒక్కరు కూడా సినిమాని థియేటర్ లోనే చూడండి, పైరసీ ని అసలు ఎంకరేజ్ చేయొద్దంటూ పోస్ట్ పెట్టాడు. అయితే మొదటినుండి కూడా ఈ యంగ్ టీం ప్రమోషన్స్ ని కొత్తగా చేసే విధానం, రిలీజ్ చేసిన టీజర్స్, ట్రైలర్ కి ప్రేక్షకుల నుండి మంచి ఆదరణ అనేది లభిస్తుంది. ఇలా హారర్ అండ్ థ్రిల్లర్ జానర్ లో నటిస్తున్న విజయ్ దేవరకొండ కి ఈ సినిమా మరో మంచి సక్సెస్ అందిస్తుందని రౌడీ ఫాన్స్ అందరు కూడా సినిమా కోసం ఇగర్ గా వెయిట్ చేస్తున్నారు.
