యంగ్ రెబల్ స్టార్ ప్రభాస్ బాహుబలి సినిమాతో ఇండియన్ స్టార్ గా ఎదిగిపోయారు. సినిమా నిర్మాతలతో పాటు వాణిజ్య సంస్థల నిర్వాహకులు ప్రభాస్ కోసం క్యూ కట్టారు. ఎంత మంది కన్ఫ్యూజ్ చేసినా, ఎన్ని కోట్లు ఆఫర్ ఇచ్చినా తనను నమ్మిన వారితో, తాను నమ్మిన వారితో పనిచేయడానికి మాత్రమే గ్రీన్ సిగ్నల్ ఇస్తున్నారు. ప్రస్తుతం యువీ క్రియేషన్స్ బ్యానర్లో సాహో సినిమా చేస్తున్న ప్రభాస్ తాజాగా మొబైల్ హ్యాండ్‌సెట్స్‌ తయారీ కంపెనీ ‘జియోనీ ఇండియా’కి బ్రాండ్‌ అంబాసిడర్‌గా ఉండేందుకు అంగీకరించారు. ఈ కంపెనీ ఇప్పటికే క్రికెటర్‌ విరాట్‌ కోహ్లి, బాలీవుడ్‌ హీరోయిన్‌ అలియా భట్, శృతిహాసన్, దుల్కర్‌ సల్మాన్, దిల్జిత్‌ దోశాంజ్‌ వంటి వారితో ప్రచారం చేయించింది. వారితో పాటు ప్రభాస్ ని నియమించుకుంది.
‘ప్రభాస్‌తో ఒప్పందం కుదుర్చుకోవడం ఆనందంగా ఉంది. తాజా నిర్ణయంతో దేశంలో మా స్థానం మరింత మెరుగవుతుందని ఆశిస్తున్నాం’ అని జియోనీ ఇండియా సీఈవో, ఎండీ అర్వింద్‌ ఆర్‌ వోహ్ర తెలిపారు. బాహుబలి కంక్లూజన్ విజయాన్ని విదేశాల్లో విహరిస్తూ ఆస్వాదిస్తున్న ప్రభాస్ త్వరలో హైదరాబాద్ కి రానున్నారు. అనంతరం సుజీత్ దర్శకత్వంలో నటించడంతో పాటు, వాణిజ్య ప్రకటనలకు టైమ్ కేటాయించనున్నారు.
Also, do SUBSCRIBE to our YouTube channel to get latest Tollywood updates.
