అభిమానంతో గంతులేసేవాళ్లని చూశాం, అదే అభిమానంతో నచ్చిన హీరో లేదా హీరోయిన్ కి ముద్దులు ఇచ్చేవాళ్లని చూశాం. కానీ.. అభిమానంతో హీరో చెంప మీద కొట్టే అభిమానిని ఇప్పటివరకూ చూడలేదు మనం. కానీ.. ప్రభాస్ మాత్రం చూశాడండోయ్. ఎయిర్ పోర్ట్ నుంచి బయటకు వస్తున్న ప్రభాస్ తో ఒక అమ్మడు ఫోటో కోసం వెళ్లింది. అసలే మంచోడైన మన ప్రభాస్ ఆ చిన్నారి దగ్గరకు రాగానే ఒక సెల్ఫీ ఇచ్చాడు. మరి ప్రభాస్ ను దగ్గరగా చూశానన్న ఆనందమో లేక అంతకుమించిన అత్యుత్సాహామో తెలియదు కానీ.. ఆ అమ్మాయి ప్రభాస్ చెంప మీద చిన్నగా కొట్టి పారిపోయింది.
అలా చేసినందుకు ప్రభాస్ ఏమీ సీరియస్ అవ్వలేదండోయ్.. వేరే హీరోలు ఎలా రెస్పాండ్ అవుతారో తెలియదు కానీ.. ప్రభాస్ మాత్రం చాలా సరదాగా రెస్పాండ్ అయ్యాడు. ప్రస్తుతం ఆ వీడియో ఇంటర్నెట్ లో వైరల్ అయ్యింది. ప్రభాస్ ను కొడతావా అని కొందరు సీరియస్ అవుతుండగా.. ఇంకొందరు మాత్రం భలే చిలిపిగా కొట్టిందయ్యా అని నవ్వుతున్నారు. ఏదేమైనా ప్రభాస్ తన ఫ్యాన్స్ తో ఎలా ఉంటాడు అనేది ఈ వీడియోతో మరోసారి ప్రూవ్ అయ్యింది.
