బాహుబలి తర్వాత యంగ్ రెబల్ స్టార్ ప్రభాస్ డైరక్టర్ సుజీత్ దర్శకత్వంలో సాహో సినిమా చేస్తున్నారు. రెగ్యులర్ షూటింగ్ కి ముందే విడుదలైన ఈ మూవీ టీజర్ రికార్డ్ సృష్టించింది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమా త్వరలో మొదటి షెడ్యూల్ ప్రారంభం కానుంది. విదేశాల నుంచి ప్రభాస్ తిరిగి రాగానే ముంబైలో చిత్రీకరణ ప్లాన్ చేశారు. అక్కడ కొన్ని ముఖ్యమైన సన్నివేశాలను చిత్రీకరించనున్నారు. ఆ తరువాత మేజర్ షెడ్యూల్ షూటింగును దుబాయ్ అబుదాబిలో జరపనున్నారు.
భారీ ఎత్తులో జరగనున్న ఈ షూటింగ్ మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ని ఆధ్వర్యంలో జరగనుంది. ముప్పై కోట్లు ఖర్చు చేయనున్న ఈ ఫైట్ సినిమాలోనే హైలెట్ కానుంది. ప్రభాస్ పోలీసాఫీసర్ గా నటిస్తున్న ఈ చిత్రానికి సినిమాటోగ్రాఫర్ గా మధి ఫిక్స్ అయ్యారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సాహోకి సంగీతాన్ని అందించనున్నారు.
Also, do SUBSCRIBE to our YouTube channel to get latest Tollywood updates.
