యంగ్ రెబల్ స్టార్ ప్రభాస్ విడుదలవడమేంటి? అతనేమైనా జైలు శిక్ష అనుభవిస్తున్నారా? అని డార్లింగ్ అభిమానులకు ఈ టైటిల్ చదవగానే కోపం రావడంలో తప్పులేదు. కానీ ప్రభాస్ బాహుబలి కోసం శ్రమించిన విధానం, ఆయన కమిట్ మెంట్ చూసిన వారెవరైనా కరక్టే అంటారు. మూడేళ్ళుగా ప్రభాస్ డైటింగ్ ఫాలో అవుతూ, ప్రతి రోజూ వ్యాయామం చేస్తూ బాడీ ని కంట్రోల్ ఉంచుకోవడం అంటే తమాషా కాదు. యోగి లాగా ఆ సినిమా కోసం తపస్సు చేశారు. ఏడాది అని అనుకున్న ప్రాజక్ట్ మూడేళ్లు అయినా ఓపికగా ఉన్నారు. తోటి హీరోలు ఏడాదికి మూడు సినిమాలు చేస్తున్నా .. ఆయన ఒకే సినిమాకు పరిమితమయ్యారు.
ప్రస్తుతం బాహుబలి ది కంక్లూజన్ కి సంబంధించిన షూటింగ్ చివరి దశకు చేరుకుంది. మరో పదిరోజుల పాటు ప్రభాస్ పై మిస్ అయినా క్లోజప్ షాట్స్ ని దర్శకధీరుడు ఎస్.ఎస్.రాజమౌళి తెరకెక్కించనున్నారు. ఆ తర్వాత వారం రోజులకి బాహుబలి షూటింగ్ పార్ట్ కి డైరక్టర్ గుమ్మడికాయ కొట్టేయనున్నారు. డిసెంబర్ 27 నాడు బాహుబలికి పేకప్ చెప్పనున్నట్లు చిత్ర యూనిట్ కి ఇప్పటికే జక్కన్న చెప్పారంట. అంతోలో ఏవైనా షాట్స్ అవసరం అవుతాయో చెప్పమని ఎడిటర్స్ కి కూడా సందేశం పంపించినట్లు సమాచారం. ప్రభాస్ తో పాటు చిత్రీకరణ బృందానికి డిసెంబర్ 31 న పార్టీ ఇచ్చి రాజమౌళి అందరినీ రిలీజ్ చేయనున్నట్లు తెలిసింది. ఇక కొత్త ఏడాది నుంచి ప్రభాస్ పూర్తి స్వేచ్ఛ జీవి కానున్నారన్న మాట.
Also, do SUBSCRIBE to our YouTube channel to get latest Tollywood updates.
