టాలీవుడ్ స్టార్ హీరోలలో ఒకరైన ప్రభాస్ ప్రస్తుతం ఆదిపురుష్ సినిమా షూటింగ్ తో పాటు సలార్ సినిమా షూటింగ్ లో పాల్గొంటున్నారు. 2022 ఏప్రిల్ నెలలో సలార్ సినిమా రిలీజ్ కానుండగా 2022 ఆగష్టు నెలలో ఆదిపురుష్ సినిమా రిలీజ్ కానుంది. పాన్ ఇండియా సినిమాగా దాదాపు 500 కోట్ల రూపాయల భారీ బడ్జెట్ తో ఆదిపురుష్ తెరకెక్కుతుండగా ఈ సినిమా విజువల్ ఎఫెక్ట్స్ కోసమే 250 కోట్ల రూపాయలు ఖర్చు చేస్తున్నట్టు తెలుస్తోంది.
ముంబైలో ఈ సినిమా షూటింగ్ జరుపుకుంటుండగా మహారాష్ట్ర ప్రభుత్వం ఆంక్షల వల్ల ఈ సినిమా షూటింగ్ ఆగిపోయిందని సమాచారం. బాలీవుడ్ డైరెక్టర్ ఓం రౌత్ ఈ సినిమాకు దర్శకత్వం వహిస్తుండగా రామాయణం ఆధారంగా ఈ సినిమా తెరకెక్కుతోంది. ఎక్కువగా గ్రీన్ మాట్, బ్లూ మాట్ సెత్ వాతావరణంలో ఈ సినిమా షూటింగ్ జరుగుతోంది. ఈ సినిమాలో రావణుడిగా సైఫ్ అలీ ఖాన్, లక్ష్మణుడిగా సన్నీ సింగ్ నటిస్తున్నారు. టీసిరీస్ బ్యానర్ పై ఈ సినిమా తెరకెక్కుతుండగా కరోనా కేసులు తగ్గితే వచ్చే నెల నుంచి ఈ సినిమా షూటింగ్ ప్రారంభమయ్యే అవకాశాలు ఉన్నాయి.
హిందీ, తెలుగు, తమిళ, మలయాళ, కన్నడ భాషల్లో ఈ సినిమా తెరకెక్కుతోంది. ఈ సినిమాలో ప్రభాస్ కు జోడీగా సీత పాత్రలో కృతిసనన్ నటిస్తున్నారు. సరికొత్త సాంకేతిక పరిజ్ఞానాన్ని ఉపయోగించి ఆదిపురుష్ చిత్రయూనిట్ ఈ సినిమాను తెరకెక్కిస్తున్నట్టు తెలుస్తోంది. ప్రభాస్ మూవీకి కరోనా కష్టాలు ఎదురు కావడంతో ఫ్యాన్స్ టెన్షన్ పడుతున్నారు. మరోవైపు ప్రభాస్ నటించిన రాధేశ్యామ్ సినిమా జులై 30వ తేదీన రిలీజ్ కానుంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
