బాహుబలి (ది బిగినింగ్) చిత్రంతో రెబల్ స్టార్ ప్రభాస్ ఇమేజ్ అమాంతం పెరిగిపోయింది. ప్రపంచ వ్యాప్తంగా అభిమానులు ఏర్పడ్డారు. ట్విట్టర్లో ప్రభాస్ పేజీని ఫాలో అయ్యే వారి సంఖ్య 5 లక్షలు దాటేసింది. బాహుబలి – ది కంక్లూజన్ కోసం అభిమానులందరూ ఎదురు చూస్తున్నారు. ఈ సినిమా ప్రస్తుతం క్లైమాక్స్ షూటింగ్ దశలో ఉంది.
పోరాటానికి సైన్యం బయలు దేరేముందు లీడ్ సీన్ ను హైదరాబాద్ శివార్లలోని అల్యూమినియం ఫ్యాక్టరీలో ఎస్.ఎస్. రాజమౌళి షూట్ చేస్తున్నారు. ఈ సన్నివేశాలు భాగా రావాలని ప్రభాస్, రానా, అనుష్క, తమన్నా, సత్యరాజ్, రమ్య కృష్ణ, నాజర్, ఇతర నటీనటులు శ్రమిస్తున్నారు. ఇక్కడ చిత్రీకరణ పూర్తి అయిన తర్వాత రామోజీ ఫిలిం సిటీలో వేసిన భారీ సెట్స్ లో యుద్ధ సన్నివేశాలను షూట్ చేయనున్నారు.
ఈ మొత్తం సీక్వెన్స్ సినిమాలో 50 నిముషాల పాటు ఉంటుందని చిత్ర బృందం తెలిపింది. ఈ షూటింగ్ కి వెళ్ళే ముందు ప్రభాస్ ఫోటో షూట్ లో పాల్గొన్నారు. తమన్నాతో కలిసి ఇచ్చిన స్టిల్స్ అదిరిపోయాయి. ఈ కొత్త లుక్ అభిమానులకు విపరీతంగా నచ్చేసింది. ప్రభాస్ ఫోటోలు సోషల్ మీడియాలో లక్షల్లో లైక్ లు అందుకున్నాయి.
