డార్లింగ్ ప్రభాస్ తన అభిమానులను థ్రిల్ చేయనున్నాడు. బాహుబలి – ది కంక్లూజన్ తర్వాత యంగ్ రెబల్ స్టార్ ప్రభాస్ ‘రన్ రాజా రన్’ ఫేం సుజిత్ తో సినిమా చేయనున్నసంగతి తెలిసిందే. ఈ చిత్రాన్ని తెలుగుతో పాటు తమిళ్, హిందీ భాషల్లో నిర్మించడానికి యు.వి.క్రియేషన్స్ వాళ్లు ప్రయత్నిస్తున్నారు. అందుకు తగినట్లుగా ఇందులో భారీ తారాగణం ఉండబోతోంది.
తమిళ హిట్ మూవీ కత్తి లో విలన్ గా చేసిన బాలీవుడ్ నటుడు నీల్ నితిన్ ముఖేష్ ని ఈ సినిమాలో తీసుకోనున్నారు. ప్రభాస్ సరసన ఆడిపాడేందుకు అమీ జాక్సన్ ను పరిశీలిస్తున్నారు. మిగిలిన ఆర్టిస్టులు, సాంకేతిక నిపుణల ఎంపికలో సుజిత్ బిజీగా ఉన్నాడు. అయితే ఈ చిత్రానికి సంబంధించిన కొన్ని ఆసక్తికర విషయాలు వెలుగులోకి వచ్చాయి. ఇది థ్రిల్లర్ కథ అని.. రన్ రాజా రన్ సినిమా మాదిరిగా ఇందులోనూ అనేక ట్విస్టులు ఉంటాయని తెలిసింది.
ఈ సినిమాకోసం బరువు తగ్గాలని దర్శకుడు సూచిండంతో ప్రభాస్ అంగీకరించారని.. బాహుబలి – ది కంక్లూజన్ షూటింగ్ పూర్తి కాగానే ఆ పనిలో పడనున్నట్లు సమాచారం. కొత్త జాన్రలో.. సరికొత్త లుక్ తో యంగ్ రెబల్ స్టార్ అభిమానులను అలరించనున్నాడు.
