బాహుబలి 2 తర్వాత యంగ్ రెబల్ స్టార్ ప్రభాస్ ‘రన్ రాజా రన్’ ఫేమ్ సుజీత్ డైరెక్షన్లో సాహో సినిమా చేస్తున్నారు. యువీ క్రియేషన్స్ బ్యానర్లో భారీ బడ్జెట్ లో తెరకెక్కుతున్న ఈ మూవీ షూటింగ్ మొదలయింది. దుబాయ్ లో యాక్షన్ సీన్ తెరకెక్కించేందుకు సుజీత్ టీమ్ సిద్ధమవుతోంది. ఈ ఫిల్మ్ తర్వాత ప్రభాస్ చేయనున్న ప్రాజక్ట్ గురించి ఓ వార్త ఫిలిం నగర్లో చక్కర్లు కొడుతోంది. గోపి కృష్ణ ఫిలిమ్స్ బ్యానర్లో కృష్ణం రాజు నిర్మించనున్న ప్రభాస్ 20 వ చిత్రాన్ని జిల్ ఫేమ్ రాధాకృష్ణ దర్శకత్వం వహిస్తారని మొదట్లో న్యూస్ వచ్చింది. తాజాగా ఆ ప్లేస్ లో ప్రభుదేవా వచ్చినట్లు టాక్.
గతంలో ప్రభుదేవా ప్రభాస్ తో పౌర్ణమి మూవీ చేశారు. ఈ చిత్రం ఆర్ధికంగా విజయం సాధించకపోయినప్పటికీ, అభినందనలు అందుకుంది. అప్పుడే ప్రభాస్ ప్రభుదేవా దర్శకత్వంలో మరో మూవీ చేస్తానని మాట ఇచ్చారంట. అందుకే సాహో తర్వాత సినిమాని తెరకెక్కించే పని అప్పగించినట్లు ఫిల్మ్ నగర్ వాసులు చెప్పుకుంటున్నారు. ఈ వార్తల్లో ఎంత వరకు నిజముందో కొన్ని రోజుల్లో తెలియనుంది.
Also, do SUBSCRIBE to our YouTube channel to get latest Tollywood updates.
