‘అందాల రాక్షసి’ ‘కృష్ణ గాడి వీర ప్రేమ గాథ’ ‘లై’ వంటి విభిన్న చిత్రాలను తెరకెక్కించిన హను రాఘవపూడి దర్శకత్వంలో శర్వానంద్ , సాయి పల్లవి జంటగా నటించిన రొమాంటిక్ లవ్ స్టోరీ ‘పడి పడి లేచె మనసు’. ఇప్పటికే విడుదల చేసిన ఈ చిత్రం ఆడియో మరియు ట్రైలర్లకు మంచి స్పందన లభించింది. డిసెంబర్ 21 న (రేపు) క్రిస్ట్ మస్ కానుకగా విడుదల కాబోతున్న ఈ చిత్రం పై మంచి అంచనాలున్నాయి. ఇప్పుడు ఆ ఆంచనాలను మరింత రెట్టింపు చేసేలా యంగ్ రెబెల్ స్టార్ ప్రభాస్ ‘పడి పడి లేచె మనసు’ టీంకు తన పేస్బుక్ పేజీ ద్వారా బెస్ట్ విషెష్ చెప్పాడు. “బెస్ట్ విషెస్ టు శర్వానంద్ అండ్ ‘పడి పడి లేచె మనసు’ టీం “… అంటూ ప్రభాస్ పోస్ట్ చేయడం విశేషం.
శర్వానంద్ కు ‘యూవీ. క్రియేషన్స్’ బ్యానర్ సంస్థాపకులు వంశీ, ప్రమోద్ లతో మంచి అనుబంధం ఉంది. ‘యూవీ. క్రియేషన్స్’ బ్యానేర్లో ‘రన్ రాజా రన్’ ‘ఎక్స్ ప్రెస్ రాజా’ ‘మహానుభావుడు’ వంటి మూడు సూపర్ హిట్ చిత్రాల్లో నటించాడు. ఇక ప్రభాస్ ‘యూవీ. క్రియేషన్స్’ వంశీ, ప్రమోద్ ల బెస్ట్ ఫ్రెండ్స్ అనే విషయం గురించి ప్రత్యేకంగా చెప్పనక్కర్లేదు. శర్వాకు ‘రన్ రాజా రాజా’ వంటిసూపర్ హిట్ ఇచ్చిన సుజీత్ డైరెక్షన్లోనే ‘సాహో’ చిత్రం చేస్తున్నాడు ప్రభాస్. ఈ కారణంగానే ప్రభాస్ ‘పడి పడి లేచె మనసు’ టీం ను విష్ చేసినట్టు తెలుస్తోంది
