రజనీకాంత్ రేంజ్ సొంతం చేసుకున్న ప్రభాస్

యంగ్ రెబల్ స్టార్ ప్రభాస్ బాహుబలి చిత్రంతో ప్రపంచవ్యాప్తంగా గుర్తింపు సాధించుకున్నారు. అభిమానులను పెంచుకున్నారు. తన సినిమా మార్కెట్ పరిధిని విస్తరించుకున్నారు. తాజాగా సౌత్ ఇండియన్ సూపర్ స్టార్ రజనీకాంత్ రేంజ్ ని సొంతం చేసుకున్నారు. ఎలాగబ్బా? అని అనుకుంటున్నారా.. అయితే విషయంలోకి వెళ్లిపోవాల్సిందే. దర్శకధీరుడు ఎస్.ఎస్.రాజమౌళి వెండితెరపై సృష్టించిన అద్భుత కళాఖండం బాహుబలి బిగినింగ్ 600 కోట్లకు పైగా వసూలు చేసి రికార్డు సృష్టించింది. ఈ చిత్రానికి కొనసాగింపుగా వస్తున్న బాహుబలి కంక్లూజన్ కోసం అందరూ ఎదురుచూస్తున్నారు. ఇది వెయ్యికోట్ల కలక్షన్స్ ని రాబడుతుందని ట్రేడ్ వర్గాల వారు అంచనా వేస్తున్నారు.

ప్రస్తుతం పోస్ట్ ప్రొడక్షన్ వర్క్ జరుపుకుంటోన్న బాహుబలి 2 ప్రీ రిలీజ్ బిజినెస్ ని మొదలు పెట్టింది. ఈ సినిమా తమిళ వెర్షన్ థియేటర్ హక్కులను శ్రీ గ్రీన్ ప్రొడక్షన్స్ సంస్థ 47 కోట్లకు సొంతం చేసుకుంది. ఒక డబ్బింగ్ సినిమా ఇంతటి భారీ మొత్తానికి అమ్ముడుపోవడం అందరినీ ఆశ్చర్యానికి గురిచేస్తోంది. సూపర్ స్టార్ రజనీకాంత్ సినిమాలకు మాత్రమే డబ్బింగ్ ధర భారీగా ఉంటుంది. మిగతా ఏ హీరోకి అంతలా డిమాండ్ ఉండదు. ఆ క్రేజ్ ని డార్లింగ్ సొంతం చేసుకున్నారు. దీంతో కోలీవుడ్, టాలీవుడ్ లో అందరూ రజనీకాంత్ తర్వాత ప్రభాసేనని చెప్పుకుంటున్నారు.

Also, do SUBSCRIBE to our YouTube channel to get latest Tollywood updates.