తెలుగు చిత్ర పరిశ్రమలోని స్టార్ డైరెక్టర్లలో త్రివిక్రమ్ శ్రీనివాస్ ఒకరు. అతని దర్శకత్వంలో నటించాలని మన హీరోలు కలలుకంటుంటారు. అటువంటి అద్భుత అవకాశం ప్రభాస్ కి దక్కింది. ప్రస్తుతం సుజీత్ దర్శకత్వంలో సాహో షూటింగ్ లో బిజీగా ఉన్న ప్రభాస్ కి స్వయంగా త్రివిక్రమ్ ఫోన్ చేసి మాట్లారని ఫిలిం నగర్ వాసులు చెబుతున్నారు. “మీకు సరిపోయే కథ రాసాను. దాదాపు విదేశాల్లో జరిగే ఈ కథ కోసం కొంచెం ఎక్కువ రోజులే టైమ్ కేటాయించాల్సి ఉంటుంది. ఏమంటారు?” అని త్రివిక్రమ్ అడిగేసరికి ప్రభాస్ మరేమి ఆలోచించకుండా ఒకే చెప్పారంటా. అయితే త్వరలోనే వచ్చి స్టోరీ చెబుతానని డైరెక్టర్ చెప్పేసరికి ప్రభాస్ ఆనందానికి అవధులు లేకుండా పోయిందంట.
ఈ వార్త ప్రభాస్ అభిమానులకు సైతం సంతోషం కలిగించింది. త్రివిక్రమ్ ఇప్పుడు పవన్ కళ్యాణ్ తో సినిమా చేస్తున్నారు. దీని తర్వాత ఎన్టీఆర్ తో ఓ కుటుంబ కథా చిత్రాన్ని తెరకెక్కించనున్నారు. ఆ సినిమా అయిన వెంటనే ప్రభాస్ కలయికలో ప్రాజక్ట్ సెట్స్ పైకి వెళ్లనుంది. అప్పటిలోపున ప్రభాస్ సాహో తో పాటు రాధాకృష్ణ డైరక్షన్లో మూవీని కంప్లీట్ చేయనున్నారు.
