యువ దర్శకుడు సుజీత్ దర్శకత్వంలో యంగ్ రెబల్ స్టార్ ప్రభాస్ చేస్తున్న భారీ యాక్షన్ థ్రిల్లర్ మూవీ సాహో కొత్త షెడ్యూల్ రామోజీ ఫిలిం సిటీలో వేసిన మార్కెట్ సెట్ లో రెండు రోజుల క్రితం ప్రారంభమయిన సంగతి తెలిసిందే. ఈ షూటింగ్ లో బాలీవుడ్ బ్యూటీ శ్రద్ధా కపూర్ కూడా పాల్గొంటోంది. షూటింగ్ పూర్తి అయిన తర్వాత శ్రద్ధా ఒంటరిగా ఉంటూ ఇంటిని గుర్తుకు తెచ్చుకొని బాధపడుతుందని ప్రభాస్ భావించారు. ఆమె ఉత్సాహంగా మరుసటి రోజు షూటింగ్ రావాలని అనుకున్నారు. అందుకోసమే ఆమెను తీసుకొని హైదరాబాద్ నగరాన్ని చుడుతున్నారు. వారిద్దరితో పాటు సుజీత్ టీమ్ కూడా ఉన్నట్టు సమాచారం.
వీరందరూ హైదరాబాద్ లోని వెరైటీ వంటకాలను శ్రద్ధకి రుచి చూపిస్తున్నారు. అందుకోసం రకరకాల రెస్టారెంట్లు హోటళ్లకు వెళుతున్నారని తెలిసింది. ఓచోట దాదాపు 18 వంటకాల్ని శ్రద్ధాకి టేస్ట్ చూపించారట. వాటిని ఇష్టంగా తిన్న శ్రద్ధ “అమేజింగ్ హైదరాబాద్ ఫుడ్” కితాబు కూడా ఇచ్చిన్నట్టు సమాచారం. శ్రద్ధాకి ఇంటిని మరిపింప చేయడంలో ప్రభాస్ బృందం విజయం సాధిస్తోంది. బాలీవుడ్ నటీనటులు టాలీవుడ్ పై ఆసక్తిని పెంచుకోవడానికి ఇలాంటి ఆతిధ్యం ఉపయోగపడుతుందని సినీ పెద్దలు అభిప్రాయపడుతున్నారు.
