బాహుబలి తర్వాత యంగ్ రెబల్ స్టార్ ప్రభాస్ డైరక్టర్ సుజీత్ దర్శకత్వంలో సాహో సినిమా చేస్తున్నారు. రెగ్యులర్ షూటింగ్ కి ముందే విడుదలైన ఈ మూవీ టీజర్ రికార్డ్ సృష్టించింది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమా మొదటి షెడ్యూల్ విలన్ పాత్ర దారి నీల్ నితిన్ ముఖేష్ పై ప్రారంభించారు. హైదరాబాద్ సెంట్రల్ లైబ్రరీలో కొన్ని సీన్లు షూట్ చేశారు. రెండో షెడ్యూల్ ముంబైలో ప్రారంభించడానికి అంత సిద్ధమయ్యారు. ఇందుకోసం నెలరోజుల నుంచి ప్రభాస్ ప్రాక్టీస్ చేస్తున్నారు. కొత్త యాక్షన్స్ పై పట్టు రావడంతో షూటింగ్ మొదలెట్టడానికి చిత్ర బృందం సిద్ధమైంది.
ఈనెల చివరి వారంలో రెండో షెడ్యూల్ మొదలవుతుందని, అందులో ప్రభాస్ పాల్గొంటారని తెలిసింది. ముంబై లో కొన్ని సీన్స్ తెరకెక్కించిన తర్వాత దుబాయికి వెళ్లనున్నారు. మేజర్ పార్ట్ దుబాయ్ అబుదాబిలో జరపనున్నారు. ఈ షూటింగ్ మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ని ఆధ్వర్యంలో జరగనుంది. ప్రభాస్ పోలీసాఫీసర్ గా నటిస్తున్న ఈ చిత్రానికి సినిమాటోగ్రాఫర్ గా మధి ఫిక్స్ అయ్యారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సాహోకి సంగీతాన్ని అందించనున్నారు.
Also, do SUBSCRIBE to our YouTube channel to get latest Tollywood updates.
