తెలుగు చిత్ర పరిశ్రమలోని సీనియర్ బ్యాచిలర్స్ జాబితాలో ప్రభాస్ పేరు ముందు ఉంటుంది. ముప్ఫై ఎనిమిదేళ్ల ఈ యంగ్ రెబల్ స్టార్ ని పెళ్లి ఎప్పుడు? అని ఎంతో మంది.. ఎన్నో సార్లు అడిగినా నవ్వుతూ సమాధానాన్ని దాటవేసేవారు. బాహుబలి సినిమా తర్వాత జాతీయ మీడియా సైతం ప్రభాస్ పెళ్లిపై దృష్టి పెట్టింది. రోజుకో కథనాన్ని ప్రచురిస్తోంది. ఇప్పటికి ఎన్నోసారు ప్రభాస్ పెళ్లి అయిపోయిందని.. అమ్మాయి ఈమె అని అనేక వార్తలు చక్కర్లు కొట్టాయి. అవన్నీ పుకార్లేనని తెలిసిపోయింది కూడా. తాజాగా మరో న్యూస్ ప్రభాస్ అభిమానుల్లో ఆనందాన్నీ నింపుతోంది. అదే ప్రభాస్ పుట్టినరోజున పెళ్లి ప్రకటన వెలువడనుందని.
అక్టోబర్ 23న ప్రభాస్ 39వ పుట్టిన రోజును జరుపుకోబోతున్నారు. ఆ సందర్భంగా ఆయన కుటుంబ సభ్యులు ప్రభాస్ పెళ్లి వార్తను అభిమానులకు వెల్లడించనున్నారని సమాచారం. ఇది ఎంతవరకు నిజమో తెలియదుగానీ.. న్యూస్ మాత్రం బాగా విహారం చేస్తోంది. ప్రస్తుతం ప్రభాస్ సుజీత్ దర్శకత్వంలో సాహో సినిమా చేస్తున్నారు. ఈ మూవీ మార్ భారీ షెడ్యూల్ కోసం చిత్ర బృందం సిద్ధమవుతోంది. అలాగే ప్రభాస్ పుట్టునరోజున సాహో టీజర్ 2 ని రిలీజ్ చేసే ఆలోచనలో ఉంది. మరి ఏ కానుక ప్రభాస్ అభిమానుల ముందుకురానుందో తెలియాలంటే కొంతకాలం ఆగాల్సిందే.
