ప్రభాస్ అభిమానులకు శుభవార్త. యంగ్ రెబల్ స్టార్ బాహుబలి సినిమా తర్వాత నటిస్తున్న మూవీ టైటిల్, ఫస్ట్ లుక్ పోస్టర్ రిలీజ్ డేట్ ఫిక్స్ అయ్యాయి. ఈ సినిమా టీజర్ ను నాలుగు భాషల్లో రిలీజ్ చేయడానికి సిద్ధమయ్యారు. బాహుబలి కంక్లూజన్ తర్వాత ప్రభాస్ డైరక్టర్ సుజీత్ దర్శకత్వంలో సినిమా చేస్తున్నారు. యూవీ క్రియేషన్స్ బ్యానర్ పై 150 కోట్లతో వంశీ, ప్రమోద్ లు నిర్మిస్తున్న ఈ ఫిల్మ్ పూజా కార్యక్రమాలు జరుపుకుంది. ఈ చిత్ర టీజర్ ని బాహుబలి 2 ప్రదర్శితమయ్యే థియేటర్లలో రిలీజ్ చేయాలనీ నిర్మాతలు భావించారు. అందుకు తగినట్లుగా ప్రభాస్, సుజీత్ శ్రమించారు. కొన్ని యాక్షన్ సీన్స్ షూట్ చేశారు. ఆ టీజర్ కి ఇప్పుడు మెరుగులు దిద్దుతున్నారు.
ప్రభాస్ 19 మూవీ టైటిల్ ని ఫస్ట్ లుక్ ని ఈనెల 23 న రిలీజ్ చేయనున్నట్లు తెలిసింది. ఇక టీజర్ ని తెలుగు, తమిళం, హిందీ, ఇంగ్లిష్ భాషల్లో ఏప్రిల్ 28 న అంటే బాహుబలి కంక్లూజన్ రిలీజ్ అయ్యే రోజు విడుదల చేయనున్నట్లు చిత్ర బృందం వెల్లడించింది. సో ఆ రోజు ప్రభాస్ ఫ్యాన్స్ కి రెండు పండుగలు అన్నమాట. ఒక హీరో తాను నటించిన సినిమా రిలీజ్ రోజే, అతను నటించే నెక్స్ట్ సినిమా టీజర్ రిలీజ్ కావడం ఇదే తొలిసారి. ఈ విధంగా ప్రభాస్ 19 సినిమా తొలి రికార్డ్ ని నెలకొల్పింది.
Also, do SUBSCRIBE to our YouTube channel to get latest Tollywood updates.
