ఇటీవల ప్రియా ప్రకాష్ వారియర్ పై వరుసగా విమర్శలు వెలువడుతున్నాయి. ఇటీవల ఆమె హీరోయిన్ గా నటించిన ‘ఒరు అదార్ లవ్’ చిత్రం తెలుగులో ‘లవర్స్ డే’ పేరుతో విడుదలయిన సంగతి తెలిసిందే. ఒక్క కన్నుకొట్టి ఎంతో క్రేజ్ సంపాదించుకున్న ప్రియా ప్రకాష్ చిత్రం కావడంతో ఈ చిత్రం పై క్రేజ్ ఏర్పడింది. అయితే సినిమా విడుదలైన వెంటనే ఆ క్రేజ్ ఢమాల్ అంది. అయితే ఈ చిత్రం ప్రియా ప్రకాష్ వలనే ప్లాప్ అయ్యిందని… సహనటి నూరిన్ కామెంట్స్ చేసింది. తాజాగా ఈ చిత్ర దర్శకుడు ఒమర్ కూడా ప్రియా ప్రకాష్ కి నటనే రాదంటూ కామెంట్ చేయడం సంచలనంగా మారింది.
మొదట ఈ చిత్రంలో నూరిన్ ను మొదట హీరోయిన్ గా అనుకున్నారని… అయితే ప్రియా ప్రకాష్ కు సడన్ గా క్రేజ్ రావడంతో… తననే మెయిన్ హీరోయిన్ గా పెట్టమని తన పై నిర్మాతలు ఒత్తిడి చేసినట్టు చెప్పాడు. అందుకే స్క్రిప్ట్ మొత్తం మార్చేశానని.. ప్రియా ప్రకాష్ కు అసలు యాక్టింగ్ రాదని.. కనీసం సైడ్ క్యారెక్టర్ గా కూడా పనికిరాదని చెప్పుకొచ్చాడు. అయితే తాజాగా ఈ వ్యాఖ్యల పై ప్రియా ప్రకాష్ స్పందించింది. ఈ విషయం పై ప్రియా ప్రకాష్ మాట్లాడుతూ… ‘అసలేం జరిగిందో చెబితే నన్నువిమర్శిస్తున్న వారి పరువు పోతుంది. నేను కర్మ సిద్ధాంతాన్ని నమ్ముతాను, నన్ను విమర్శిస్తున్న వారికి కాలమే సమాధానం చెబుతుంది. ఆ రోజులు దగ్గరలోనే ఉన్నాయి” అంటూ తన ఆగ్రహం వ్యక్తం చేసింది ప్రియా ప్రకాష్.
