“నా చావు నే చస్తా.. నీకెందుకు” .. అనే డైలాగ్ తో గత ఏడాది అందరిని నవ్వించిన యువ నటుడు ప్రియదర్శి. పెళ్లి చూపులు సినిమాలో తెలంగాణ యాసలో అదరగొట్టిన ఇతనికి వరుసగా భారీ ఆఫర్లు వస్తున్నాయి. మురుగదాస్ దర్శకత్వంలో సూపర్ స్టార్ మహేష్ బాబు చేస్తున్న స్పైడర్ మూవీలో నటించే అవకాశం పట్టేసిన ప్రియదర్శి తాజాగా యంగ్ టైగర్ ఎన్టీఆర్ మూవీలో ఛాన్స్ కొట్టేశారు. బాబీ దర్శకత్వంలో తెరకెక్కుతున్న ఈ సినిమాలో ప్రియదర్శి ఎన్టీఆర్ కి స్నేహితుడిగా నటిస్తున్నట్లు సమాచారం.
ఇది ఫుల్ లెన్త్ రోల్ అని, చివరి వరకు నవ్విస్తాడని తెలిసింది. ఈ సినిమాతో తెలుగు చిత్ర పరిశ్రమలో టాప్ కమెడియన్స్ జాబితాలో ప్రియదర్శి చేరిపోవడం గ్యారంటీ అని సినీ విశ్లేషకులు చెబుతున్నారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ సినిమా సెప్టెంబర్ 1 న రిలీజ్ చేయాలనీ అనుకుంటున్నారు.
Also, do SUBSCRIBE to our YouTube channel to get latest Tollywood updates.
