సస్పెన్స్, థ్రిల్లర్ జానర్‌లో వచ్చే చిత్రాలకు ఎప్పుడూ మంచి డిమాండ్ ఉంటుంది. ఇప్పుడు ఆడియెన్స్ టేస్ట్‌ కూడా మారిపోయింది. కంటెంట్ ఉన్న చిత్రాలను చూసేందుకు ఇష్టపడుతున్నారు. రొటీన్ కమర్షియల్ చిత్రాల కంటే కాన్సెప్ట్‌ ఓరియెంటెడ్ సినిమాలను చూస్తున్నారు. ఈ క్రమంలోనే కన్నడ నుంచి బ్లాక్ బస్టర్ చిత్రాలు వస్తున్నాయి. ప్రియమణి నటించిన కన్నడ చిత్రం “నన్న ప్రకార” అక్కడ బ్లాక్ బస్టర్ హిట్‌గా నిలిచింది. ఇదే సినిమాను “విస్మయ” అంటూ ఇప్పుడు తెలుగులోకి డబ్ చేశారు. ప్రస్తుతం ఈ విస్మయ చిత్రం అమెజాన్‌లో స్ట్రీమింగ్ అవుతుంది.
“విస్మయ” సినిమాలో డాక్టర్‌గా ప్రియమణి నటించింది. కాంతారా ఫేమ్‌ కిషోర్‌ ఇన్వెస్టిగేషన్ చేసే పోలీస్ ఆఫీసర్‌గా కనిపిస్తాడు. దర్శకుడు వినయ్‌ బాలాజీకి ఇది మొదటి చిత్రం. మొదట్లో షార్ట్ ఫిల్మ్స్ తీసి ఆ తరువాత వీఎఫ్ఎక్స్ ప్రొవైడర్‌గా పని చేసిన అనుభవాన్ని ఈ సినిమాలో చూపించారు. విస్మయ చిత్రంలో విజువల్స్, ఆర్ఆర్, కెమెరాపనితనం ఆకట్టుకునే విధంగా ఉంటాయి.
ప్రియమణి నటించిన ఈ “విస్మయ” చిత్రం ఇప్పుడు అమెజాన్‌లో తెలుగు ప్రేక్షకులకు అందుబాటులో ఉంది. ఈ చిత్రానికి అర్జున్ రాము సంగీతమందించారు. మనోహర్ జోషి కెమెరామెన్‌గా పని చేశారు.
