ఈమధ్యకాలంలో హీరోయిన్లు హిట్, ఫ్లాప్ తో సంబంధం లేకుండా వరుస ఆఫర్లు దక్కించుకొంటున్నారు. ఒక్కోసారి సూపర్ ఫ్లాప్ కొట్టిన హీరోయిన్ కూడా ఇమ్మీడియట్ గా ఒకట్రెండు సినిమాలు సైన్ చేయడం అనేది చూస్తూనే ఉన్నాం. కానీ.. మరి లక్ కలిసి రాలేదో లేక మరింకేదైనా కారణమో తెలియదు కానీ.. టాక్సీవాలాతో కథానాయికగా పరిచయమైన అనంతపూర్ అమ్మాయి ప్రియాంక జవాల్కర్ ఇప్పటివరకూ మరో సినిమా సైన్ చేయలేదు. మధ్యలో రవితేజ సినిమా అనీ, రాజ్ కందుకూరి కుమారుడు హీరోగా రూపొందుతున్న మరో చిత్రంలోనూ ప్రియాంకను హీరోయిన్ గా అనుకొంటున్నారు అని టాక్ వినిపించినప్పటికీ.. ఇప్పటివరకూ ఏదీ ఫైనల్ అవ్వలేదు.
టాక్సీవాలా విడుదలై నెల పూర్తి కావస్తోంది. ప్రస్తుతం ఏవేవో ఈవెంట్స్ చేస్తూ టైమ్ పాస్ చేస్తోంది తప్పితే ఇప్పటివరకూ ఒక్క సినిమా కూడా సైన్ చేయలేదు. వస్తున్న చిన్న చిన్న ఆఫర్స్ కి ఏమో రెమ్యూనరేషన్ ఎక్కువ చెప్పి తిరస్కరిస్తుందట. అమ్మడు కాస్త బెట్టు తగ్గించి ఏదో ఒక సినిమా సైన్ చేస్తే బెటర్. లేదంటే.. కొన్నాళ్ళకు టాక్సీవాలా సినిమా హీరోయిన్ గానే మిగిలిపోతుంది ప్రియాంక జవాల్కర్. కనీసం కొత్త సంవత్సరంలోనైనా అమ్మడు కొత్త సినిమా సైన్ చేస్తుందో లేదో చూడాలి.
