చనిపోయే వరకు టాలీవుడ్ కి పెద్ద దిక్కుగా ఉన్న దాసరి నారాయణరావు ఇంటిలోనే వివాదాలు తలెత్తాయి. దాసరి ఆస్థి పంపకాల విషయంలో ఆయన కొడుకుల మధ్య వివాదం రేగింది. దాసరికి ఇద్దరు కుమారులు. ప్రభు పెద్ద కుమారుడు కాగా అరుణ్ కుమార్ రెండో కుమారుడు. వీరిద్దరికి ఓ ఇంటికి సంబంధించిన వాటాల విషయంలో వివాదం రేగినట్లు తెలుస్తుంది. ప్రభు చెవుతున్న దాని ప్రకారం ఆయన ప్రస్తుతం నివసిస్తున్న ఇంటిని దాసరి తన కూతురు పేరున వీలునామా రాశారట.
దీనితో ప్రభు తన భార్యా పిల్లలతో ఆ ఇంటిలో ఉంటున్నారు. ఐతే అరుణ్ కుమార్ తనకు కూడా ఆ ఇంటిలో వాటా కావాలని అడుగుతున్నాడట. ఇది దాసరి తన మనవరాలికి ప్రత్యేకంగా రాశారు కావున ఇందులో చిన్న కుమారుడైన అరుణ్ కి వాటా ఉండదు అనేది ప్రభు వాదన. ఇక ఓ రోజు అరుణ్ రాత్రిపూట ప్రభు ఇంటి కాంపౌండ్ వాల్ దూకి ఇంటిలోకి వెళ్లి…తమతో గొడవకు దిగాడని, ఈ విషయమై జూబ్లీ హిల్స్ పోలీస్ స్టేషన్ లో పిర్యాదు చేయడం జరిగిందని ప్రభు వివరిస్తున్నారు.
పరిశ్రమ పెద్దలు జోక్యం చేసుకొని ఈ వివాదానికి ఫుల్ స్టాప్ పెట్టాలని ప్రభు వేడుకుంటున్నారు. ఇక పరిశ్రమ పెద్దగా అనేక మంది సమస్యలు పరిష్కరించిన దాసరి ఇంటిలో పంచాయితీపై కొందరు మండి పడుతున్నారు. ఆస్థుల కోసం తండ్రి పరువు తీస్తున్నారని వాపోతున్నారు. దాసరి పెద్ద కుమారుడు ఎవరికీ పెద్దగా తెలియదు కానీ, అరుణ్ కుమార్ హీరోగా, మరియు ప్రాధాన్యం ఉన్న పాత్రలలో అనేక సినిమాలలో నటించాడు.
Most Recommended Video
కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే
