‘పైసావసూల్’ లో పూరీ చిరుని టార్గెట్ చేశాడా?

టాలీవుడ్ లో మెగాస్టార్ రేంజ్ గురించి మనం ప్రత్యేకంగా చెప్పాల్సిన పనిలేదు. అయితే దాదాపుగా 9ఏళ్ల సుధీర్గ విరామం తరువాత చిరు మళ్లీ టాలీవుడ్ లో సెకెండ్ ఇన్నింగ్స్ మొదలు పెట్టినప్పటికీ ఆయన పై అభిమానం చెక్కు చెదరలేదు. అభిమానులు ఆయనకు బ్రహ్మ రధం పట్టారు. అయితే చిరు 150 సినిమా కలెక్షన్స్ విషయంలో ఎన్ని ఫేక్ కలెక్షన్స్ వచ్చినప్పటికీ సినిమా పరంగా మాత్రం సినిమా మంచి హిట్ అందుకుంది అనే చెప్పాలి. అయితే ఆ కధ అంతా పక్కన పెడితే, ఇప్పుడు పూరీ జగన్నాధ్ నందమూరి నటసింహం బాలకృష్ణతో చేస్తున్న 101 సినిమా పైసా వాసూల్ లో చిరు ని టార్గెట్ చేశాడు అని వార్తలు వస్తున్నాయి. అయితే అసలే మెగా ఫ్యామిలీకి అత్యంత సన్నిహితంగా ఉండే పూరీ అనా చెయ్యడం ఏంటి అని ఆశ్చర్య పోతున్నారు కొందరు…ఇక ఈ వార్తలలో ఎన్ని నిజాలో తెలియకపోయినా ఇప్పుడు ఈ న్యూస్ ఫిలింనగర్ లో హాట్ గాసిప్ గా మారింది. అసలు మ్యాటర్ ఏంటి అంటే…తెలుస్తున్న సమాచారం మేరకు ఈ మెగా పంచ్ లు బాలకృష్ణ చేత కాకుండా ఈసినిమాలో మరో కీలక పాత్ర చేస్తున్న అలీ చేత పూరి వేయించినట్లు సమాచారం.

అయితే పూరీ అలా ఎందుకు చేస్తాడు అంటే, అక్కడో లాజిక్ ఉంది…వినిపిస్తున్న టాక్ ప్రకారం, గతంలో పూరితో మెగాస్టార్ చిరంజీవి తన 150వ సినిమాను చేస్తారని ముందుగా ప్రకటించినా తరువాత ఆసినిమాను కథ నచ్చక వదులుకున్న విషయం తెలిసిందే. దీనితో మనస్తాపం చెందిన పూరి తన అసహనాన్ని ఈ పంచ్ డైలాగుల ద్వారా ఇప్పుడు తెలియచేసాడు అన్న గాసిప్పులు వస్తున్నాయి. ఏది ఏమైనా…ఈ సినిమాలో బాలయ్య లుక్ గాని, మ్యానరిజం కానీ కుమ్మి పడేసింది అంటున్నారు నందమూరి అభిమానులు. వాళ్ల ఊపు చూస్తూ ఉంటే ఈ సినిమా మరో ఇండస్ట్రీ హిట్ గా నిలవడం ఖాయం అని ఇట్టే అర్ధం అయిపోతుంది. చూద్దాం మరి ఏం జరుగుతుందో.

Also, do SUBSCRIBE to our YouTube channel to get latest Tollywood updates.