దేవరకొండను సరికొత్త శైలిలో పరిచయం చేయనున్న పూరీ

ఇక పూరీ జగన్నాధ్ పని అయిపోయింది అనుకొంటున్న తరుణంలో “ఇస్మార్ట్ శంకర్”తో బ్లాక్ బస్టర్ హిట్ కొట్టి తన ఉనికిని ఘనంగా చాటుకొన్నాడు. మొన్నటివరకూ ఆయన కథ చెబుతానంటే కనీసం ఫోన్లు కూడా ఎత్తని స్టార్ హీరోలు.. ప్రస్తుతం ఆయనకి అదే పనిగా ఫోన్లు చేస్తున్నారు. అయితే.. పూరీ జగన్నాధ్ మాత్రం తన తదుపరి సినిమా హీరోని ఆల్రెడీ ఫైనల్ చేసేశారని తెలుస్తోంది. సెన్సేషనల్ స్టార్ హీరో విజయ్ దేవరకొండ హీరోగా పూరీ జగన్నాధ్ దర్శకత్వంలో సినిమా ఆల్మోస్ట్ ఫైనల్ అయిపోయింది. ఈమధ్యకాలంలో క్రేజీయస్ట్ కాంబినేషన్స్ లో ఇదొకటి.

ఈ సినిమా ఎప్పట్నుంచి మొదలవుతుంది? ఎవరు నిర్మిస్తారు? అనే విషయంలో ఇంకా క్లారిటీ లేనప్పటికీ.. ఈ ఇద్దరి కాంబినేషన్ లో సినిమా మాత్రం కన్ఫర్మ్ అని తెలుస్తోంది. నిజానికి పూరీ కన్నడ స్టార్ హీరో యష్ తో “జనగనమణ” ప్లాన్ చేసినప్పటికీ.. యష్ ప్రస్తుతం “కేజీఎఫ్2″తో బిజీగా ఉండడంతో ఈలోపు విజయ్ తో సినిమా సైన్ చేశాడు. “డియర్ కామ్రేడ్” ఫ్లాప్ తో ఢీలాపడిన విజయ్ దేవరకొండకి పూరీ జగన్నాధ్ సినిమా మంచి బూస్ట్ ఇస్తుంది. సినిమా రిజల్ట్ ను పక్కనపెడితే.. ఈ క్రేజీ ప్రొజెక్ట్ మీద అంచనాలు ఇప్పటినుండే భారీ పెరిగిపోయాయి.