పూరీ జగన్నాధ్ దర్శకత్వంలో రామ్ హీరోగా మొన్న ఒక సినిమా మొదలైన విషయం తెలిసిందే. పూరీ కనెక్ట్స్ బ్యానర్ లో ఛార్మీ నిర్మాణ సారధ్యంలో రూపొందనున్న ఈ చిత్రానికి “పండుగాడు” అనే టైటిల్ ను పరిశీలిస్తున్నట్లు టాక్ కూడా. ఆల్రెడీ లుక్ టెస్ట్ తోపాటు డెమో షూట్ కూడా పూర్తయిన ఈ చిత్రం రెగ్యులర్ షూటింగ్ త్వరలోనే మొదలుకానుంది. అయితే.. ఈ సినిమాలో రామ్ సరసన నటించబోయే హీరోయిన్ ఎవరన్నది ఇప్పటివరకూ కన్ఫర్మ్ చేయలేదు పూరీ జగన్నాధ్.
తన మునుపటి చిత్రాల్లో ఆల్రెడీ రెండుసార్లు అనుపమతో రొమాన్స్ చేసి ఉన్న రామ్ ఇప్పుడు కొత్త హీరోయిన్ కావాలంటున్నాడట. సాధారణంగా కొత్త హీరోయిన్ అనగానే ముంబై నుంచి హీరోయిన్స్ ను ఇంపోర్ట్ చేసే పూరీ జగన్నాధ్ తన కొత్త హీరో రామ్ విషయంలో మాత్రం తన పద్ధతిని మార్చుకుని.. కొత్తగా క్యాస్టింగ్ కాల్ కు పిలుపునిచ్చాడు. అంటే.. నటన పట్ల ఆసక్తి ఉండి, అందంగా ఉన్న అమ్మాయిలెవరైనా సరే ఆ క్యాస్టింగ్ కాల్ కు అటెండ్ అయ్యి.. తమ టాలెంట్ ను ప్రూవ్ చేసుకొంటే.. రామ్ సరసన హీరోయిన్ గా నటించే అవకాశాన్ని సొంతం చేసుకోవచ్చన్నమాట. మరి ఆ అదృష్టం ఎవరిని వారిస్తుందో తెలియదు కానీ.. పూరీ జగన్నాధ్ సినిమాలో హీరోయిన్ గా పరిచయం అయ్యిందంటే మాత్రం లక్కీయస్ట్ హీరోయిన్ ఆఫ్ టి.ఎఫ్.ఐ అనే చెప్పాలి.
