విప్లవ చిత్రాల కథానాయకుడు ఆర్.నారాయణమూర్తి ముక్కుసూటిగా ఉంటారు. చెప్పాలనుకున్నది.. చెప్పాల్సిన వారితోనే దైర్యంగా చెప్పగల వ్యక్తి. ఆ విషయాన్నీ ఆయన మరో మారు నిరూపించుకున్నారు. మెగాస్టార్ చిరంజీవిని అందరి ముందు నిలదీసి ఆశ్చర్యం కలిగించారు. “మెగాస్టార్ ఏం గొప్ప సినిమాలు చేశాడు” అంటూ అడిగి షాక్ కి గురిచేశారు. ప్రస్తుతం టాలీవుడ్ లో హాట్ టాపిక్ గా మారిన విషయంలోకి వెళితే.. రీసెంట్ గా దివంగత దర్శకుడు దాసరి నారాయణరావు మీద రాసిన పుస్తకావిష్కరణ సభ జరిగింది. ఇందులో చిరంజీవి, నారాయణమూర్తితో పాటు పలువురు సినీ ప్రముఖులు పాల్గొనున్నారు. పుస్తకావిష్కరణ అనంతరం నారాయణరావు మాట్లాడుతూ..
“మహానటుడు ఎన్టీఆర్ గురించి చెప్పుకోవటానికి ఎన్నో గొప్ప సినిమాలు ఉన్నాయి.. ఏఎన్నార్ కు చెప్పుకోవటానికి గొప్ప సినిమాలు చాలా ఉన్నాయి. కృష్ణకు కూడా అల్లూరి సీతారామారాజు ఉంది. ఆనాటి నటులకు అందరికి గొప్ప చిత్రాలున్నాయి. కానీ గ్రేట్ మెగాస్టార్ చిరంజీవికి చెప్పుకోవటానికి ఏ సినిమా లేదు. కానీ.. ఇప్పుడు మాత్రం సైరా ఉంది. ఉయ్యాలవాడ నరసింహారెడ్డి మూవీ ఉంది” అని చెప్పారు. దీంతో సభలో పాల్గొన్నవారందరూ షాక్ తిన్నారు. అపద్బాంధవుడు.. స్వయంకృషి.. రుద్రవీణ వంటి ఎన్నో క్లాసిక్ చిత్రాలను చేసిన చిరుని అలా చెప్పేసరికి సభకి వచ్చిన మీడియా సైతం ఖంగుతింది. మెగాస్టార్ రియాక్షన్ కోసం అందరూ ఎదురుచూసారు. చిరు మాత్రం చిరు నవ్వుతో నారాయణ మూర్తికి థాంక్స్ చెప్పారు.
